2021 гъэм жэпуэгъуэм и 21-м Ставрополь и къэрал пединститутым Ессэнт1ыгу къалэм щи1э къудамэм щек1уэк1ащ «Совеременные формы и методы работы с людьми с инвалидностью» щ1эныгъэ практикэ конференцэр. Къызэгъэпэщак1уэхэм зэхыхьэр траухуащ зи зыужьык1эр къык1эрыху сабийхэм я гъащ1эр егъэф1эк1уэным.
«1эщ1агъэл1хэр гъунэгъущ: щ1ыналъэ НКО-м я зыужьыныгъэр, ц1ыху ныкъуэдыкъуэхэмрэ абыхэм я унагъуэхэмрэ ядэ1эпыкъуныр» проектым хыхьэу, президент грантым и фондыр щ1ыгъуу егъэджэныгъэмк1э министерствэм, щ1ыналъэм и щ1ып1эхэм я социальнэ зыужьыныгъэм, щ1эныгъэл1хэм, школ унафэщ1хэм, егъэджак1уэхэм, щоджэнхэм, НКО-м я л1ык1уэхэм, псыхуабэ епархием гуапагъэ зыщ1э и шыпхъухэм, Ставрополь крайм ц1ыхухэм 1уэхутхьэбзэхэр яхуэщ1энымк1э и зэзыгъэу1у комплексхэм я л1ык1уэхэм, еджап1эхэм я аспирантхэмрэ студентхэмрэ я зэф1эк1хэр зэкъуагъэуващ. Конференцэм хэта ц1ыхуи 160-м щ1игъум я къарур зэкъуагъэуващ.
Зэхуэсыр къызэ1уихащ къудамэм и унафэщ1ым и къалэнхэр зыгъэзащ1э Чотчаевэ Маринэ. Абы къыхигъэщащ нобэ зыр адрейм дэ1эпыкъуным мыхьэнэшхуэ зэри1эр. Армырми ныкъуэдыкъуэхэм хуэфащэ гулъытэ яхуэщ1ыным мыхьэнэшхуэ и1эщ.
Къызэухэсахэм ф1эхъуск1э захуигъэзащ Псыхуабэ, Черкесск щ1ыналъэхэм я архиепископ Феофилакт. Абы щ1ыналъэ администрацэм и л1ык1уэхэм ф1ыщ1э яхуищ1ащ хьэщ1агъэ къызэрырахам папщ1э.
«Мыбдеж ц1ыху гуапэхэр щопсэу, ягук1и я псэк1и зэ1ухуэ. Зэхуэзэну зэхуэгуапэ ц1ыхухэр мыбдеж ыщзэ1уощ1э. А псалъэм зэхуэзэн, зэрыц1ыхун, зэпсэлъэн къудейкъым къызэщ1иубыдэр, ат1э зыр зым дэгуэшэну 1эмал я1энырщ. Мыбдеж узэрыздэгуэшэн щы1эщ», - жи1ащ Пастыр нэхъыщхьэм.
Щихънагъым ягу къигъэк1ыжащ гуапагъэм и къежьап1эр. Апхуэдэу архиепископым ц1ыхум дэ1эпыкъуныгъэ хуэщ1эным, ныкъуэдыкуъэхэм защ1эгъэкъуэным и 1уэхук1э зрагъэхъул1а 1уэху бгъэдыхьэк1эхэм щыгуф1ык1ащ.
Абы ящыщщ щ1алэгъуалэр, СГПИ-м и студентхэр. Щихънагъым къызэрилъытэмк1э, апхуэдэ дэ1эпыкъуныгъэм и щ1эдзап1эр – ц1ыхъум езым и гъуэгурщ.
Зубенко Галинэ, Ставрополь крайм егъэджэныгъэмк1э и министрым и къуэдзэр къытеувы1ащ 1уэхущ1ап1эмрэ волонтйрхэмрэ ирагъэк1уэк1 лэжьыгъэхэм, коррекцэ, егъэджэныгъэ 1уэхущ1ап1эхэм щызэф1аххэм. Шагиновэ Людмилэ, Ставропольем Лэжьыгъэмрэ ц1ыхухэр социальнэу хъумэнымк1э и министрым и къуэдзэр къытеувы1ащ ныкъуэдыкъуэхэр зезыхьэхэм я зыужьыныгъэм, реабилитацэм и лъабжьэхэм зэрыхагъэгъуэзам, ныкъуэдыкуъэхэм ядэ1эпыкъунымк1э къэрал программэм и зыужьыныгъэм.
Нэгъуэщ1 докладхэмрэ къэпсэлъэныгъэхэмрэ еджап1эм и сйтым зыщыхэвгъэгъуэзэфынущ. Къызэгъээщак1уэхэм зэхыхьэм щыщ 1ыхьэр траухуащ конференцэм хэтхэр зэпсэлъыл1эным.
Хьэщ1эхэр ирагъэплъащ Псыхуабэ епархием сабий, щ1алэгъуалэ ныкъуэдыкъуэхэм ядэ1эпыкъунымк1э и «Дыгъаф1э къалэ» Центрым и нэIэ щIэтхэм я творческэ лэжьыгъэхэм я выставкэхэр.