2021 гъэм жэпуэгъуэм и 13-м «Центр образования №11» МБОУ-м семинар щекIуэкIащ Черкесск и егъэджакIуэхэм папщIэ, «Дунейпсо дин щэнхабзэхэм я лъабжьэр», «Чристэн щэнхабзэм и лъабжьэр» дерсхэм я егъэджакIуэхэм папщIэ. Зэхыхьэр къызэрагъэпэщащ Покров члисэмрэ Свято-Сергиевскэ гимназиемрэ Черкесск къалэ Администрацэр я дэIэпыкъуэгъуу. Семинарыр ирагъэкIуэкIащ «Чристэн жэрдэм» грант зэпеуэм зэрыщытекIуам къыхэкIыу.
Зэхыхьэр ирагъэжьащ Ищхъэрэ Къэрэшей-Шэрджэс округым и благочиннэ, психологие щIэныгъэхэм я кандидат щоджэн нэхъыжь Нартов Александр и докладымкIэ. Ар ядэгуэшащ чристэн щэнхабзэр егъэджынымкIэ. Къапщтэмэ, щоджэным къыхигъэщащ «дин щэнхабзэм я лъабжьэмрэ къызэрыгуэкI дуней тетыкIэмрэ я лъабжьэхэр» дин щIэныгъэу зэрыщымытыр, атIэ культурологиеу зэрыщытыр. Псом япэрауэ, ар дин щэнхабзэм теухуа псалъэмакъщ, гуапагъэм, лъагъуныгъэм, дэIэпыкъуныгъэм, хуэгъэгъуныгъэм ехьэлIауэ». АдэкIэ семинарым хэтхэм фIэхъус ярихащ Къэрэшей-Шэрджэсым егъэджэныгъэмрэ щIэныгъэмкIэ и министрым и къуэдзэ Бэчыжь ФатIимэ. Абы КъШР-м егъэджэныгъэмкIэ и министрым къыбгъэдэкI фIыщIэ тхылъыр иритащ благочиннэм икIи ар хэтащ Сабийхэм я Сергиевскэ къеджэныгъэхэм я V зэпеуэм текIуахэр щагъэлъапIэм. КъШР-м и Парламентым и депутат Ганшин Алексей и фIэхъус псалъэм къыхигъэщащ еджакIуэхэм я щэнхабзэ, тхыдэ, патриот зэхьэзэхуэхэм папщIэ икIи егъэджакIуэхэм фIыщIэ яхуищIащ я лэжьыгъэ мытыншым папщIэ. Сабийхэм я Сергиевскэ къеджэныгъэхэр къыхэзылъхьа, Черкесск ЕгъэджэныгъэмкIэ и центр №11-м и егъэджакIуэ Салащенкэ Татьянэ КъШР-м и ЦIыхубэ зэхуэсым (Парламентым) и щIыхь тхылъыр иритащ.
Семинарым хыхьэу мастер-классхэр ирагъэкIуэкIащ гуащэхэр IуданэкIэ зэIущэным, зэрыджэгу хьэпшыпхэр пшахъуэм къыхэщIыкIыным, пхъэ Iэмэпсымэхэр роспис щIыным, Куликовэ зауэм и квест къызэгъэпэщыным теухуауэ. Апхуэдэу Черкесск къалэм и Покров члисэм зыщаплъыхьащ XIX лIэщIыгъуэм и щэнхабзэ фэеплъым теухуауэ.