2021 гъэм фокIадэм и 16-м Псыхуабэ, Черкесск щIыналъэхэм я архиепископ Феофилакт, Урыс Чристэн Члисэм члисэ IуэхухэмкIэ и къудамэм и УнафэщI, Волоколамск и митрополит Иларион иригъэблагъэри, «Мировое православие: первенство и соборность в свете православного вероучения» дунейпсо конференцэм хэтащ. Зэхуэсым хэтащ пастыр нэхъыщхьэхэр, клирикхэр, Урыс Чристэн Члисэм и мамыр цIыхухэр, нэгъуэщI Члисэхэм я лIыкIуэхэр.
Зэхуэсым нэхъыщхьэ щыхъуащ Москварэ Урысчей псомрэ я Патриарх Кирилл и къэпсэлъэныгъэр. Урыс Члисэм и унафэщIыр зыубгъуауэ къытеувыIащ члисэ зэкъуэтыныгъэм и Iуэху зэIумыбзхэм.
Конференцэм хэтхэм къыхагъэщащ чристэн дунейм щызекIуэ кризис щытыкIэм хуабжьу зэригъэгузавэр. «Богословскэ щытыкIэхэр псоми сэбэп къытхуэхъунущ иджырей щытыкIэр зыхуэдэр къыдгурыIуэнымкIэ. Сыщогугъ конференцэм кърикIуахэр дяпэкIи а унэтIыныгъэм къыщывгъэсэбэпыну, чристэн фIэщхъуныгъэмрэ канон хабзэр хъумэнымкIэ къыфхуэщхьэпэну», - къыхигъэщащ Патриарх Кирилл и къэпсэлъэныгъэр щиухым.
Архиепископ Феофилакт зэхуэсым хэтхэм запищIащ интернет IэмалымкIэ.