2021 гъэм шыщхьэуIум и 17-м Псыхуабэ, Черкесск щIыналъэхэм я архиепископ Феофилакт КИФЩI-м и къалащхьэм и члисэхэм я щоджэнхэм я гъусэу хэтащ выставкитIыр – фIэщхъуныгъэ зиIэ джыназ ин Невский Александр къызэралъхурэ илъэс 800 зэрырикъум теухуар къыщызэIуахым. «Александр Невский: история жизни благоверного князя языком графического романа», «Пропилеи Православия» мультимедие экспозицэхэр музейм и лэжьакIуэхэм ягъэхьэзыращ «Моя страна – моя история» Псыхуабэрэ зыгъэпсэхупIэм щыпсэухэмрэ папщIэ.
Музейм и сайтым хъыбар къызэритымкIэ, Пастыр нэхъыщхьэмрэ щоджэнхэмрэ я гъусэу зэхыхьэм хэтащ щэнхабзэмкIэ управленэм и лэжьакIуэхэмрэ унафэщIхэмрэ КМВ-м и къалэ администрацэхэм и лэжьакIуэхэр, лъэпкъ гвардием Кавказ Ищхъэрэм щиIэ округым и лIыкIуэхэр. Псыхуабэ музейм и «Моя страна. Моя история» гъэлъэгъуэныгъэ комплексым и унафэщI Скрипник Янэрэ Псыхуабэ, Черкесск щIыналъэхэм я архиепископ Феофилактрэ кърихьэлIахэм фIэхъус ирахащ. ИужькIэ музейм и методист Гобозовэ Екатеринэ хьэщIэхэм гъэлъэгъуэныгъэм зыщригъэплъыхьащ.
«Сабийхэм гъэщIэгъуэн зэращыхъунум шэч къытесхьэркъым. Художникхэм я лэжьыгъэхэр телъыджэщ, тхыдэджхэм, псом хуэмыдэу выставкэр къызэзыгъэпэщахэм я Iуэху бгъэдыхьэкIэ щхьэпэр», - жиIащ архиепископ Феофилакт выставкэм еплъа нэужь.