2021 гъэм шыщхьэуIум и 7-м Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Псыхуабэ и Георгиевскэ члисэм. Щоджэн нэхъыщхьэм къулыкъур драгъэкIуэкIащ КИФЩI-м и къалащхьэм и члисэхэм я щоджэнхэм епархием и Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
Литургием хыхьэу архиепископ Феофилакт къардэн къулыкъур иригъэкIуэкIащ Ставрополь духовнэ семинарием и студент Нестеренкэ Сергий папщIэ. ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи члисэм и унафэщI щоджэн нэхъыжь Сорокин Константин дамыгъэ лъапIэр хуигъэфэщащ.
Епархием IэщэкIэ зэщIэузэда къарухэм, хабзэхъумэ IэнатIэхэм, пенитенциарнэ IуэхущIапIэхэм ядэлэжьэнымкIэ и къудамэм и унафэщIым зэфIиха лэжьыгъэхэм
папщIэ, и илъэс 50 юбилейм ирихьэлIэу Мосварэ Урысей псомрэ я Патриарх Кирилл архиепископ Феофилакт и арэзыныгъэкIэ, Константин хуигъэфэщащ Саровский Серафим и орденым и III нагъыщэр.
Пастыр нэхъыщхьэр гуапэу ехъуэхъуащ унафэщIым икIи Тхьэр къыдэIэпыкъуну зыхуигъэзащ епархием и къулыкъур ирихьэкIынымкIэ.