Псыхуабэ къэрал университетым щекIуэкIащ «Неделя исламской науки, культуры и образования» пленарнэ зэIущIэр. Зэхыхьэм хэтхэм фIэхъус ирахащ еджапIэ нэхъыщхьэм и ректоратым, ислъам щэнхабзэм, щIэныгъэмрэ егъэджэныгъэмрэ дэIыгъынымкIэ фондым я лIыкIуэхэм, Ставрополь крайм и муфтий Рахимов Мухьэммэд-Хьэжы.
Псыхуабэ, Черкесск щIыналъэхэм я архиепископ Феофилакт къыхигъэщащ Кавказ Ищхъэрэр дин IуэхукIэ зэпсэлъэныгъэм, мамырыгъэм я центру зэрыщытыр. Апхуэдэу щIигъужащ университетым и узэщIыныгъэ мыхьэнэр.
«Ди щIыналъэм и лъапIэныгъэ нэхъыщхьэр – зэмыщхьу Тхьэм къигъэщIа цIыхухэрщ. ЛъэпкъкIэ зэхуэмыдэу, зэрыт динкIи зэщхьэщыкIыу. Дэтхэнэ зы цIыхуми удз гъэгъа телъыджэм хуэдэу дыщыпсэу дунейр егъэдахэ. Ди зэхуэдэ къыхуеджэныгъэр – дахагъэр тхъумэнырщ. Абы дыхуэсакъынырщ», - жиIащ Щихънагъым.
Зэхуэсым и лэжьыгъэм хэтащ дин лэжьакIуэ Силантьев Роман, Москварэ Урысей псомрэ я Патриарх ЛъапIэ Кирилл и Эксперт советым и лIыкIуэ иеромонах Григорий (Матрусов). ХьэщIэхэм зэхыхьэм доклад щащIащ