2021 гъэм накъыгъэм и 13-м, щихъ Брянчанинов Игнатий и фэеплъ махуэм, Кавказскрэ Черноморскрэ я щихънагъым, Ставрополь духовнэ семинарием и нэIэ щIэтым Ставрополь къалэм и Казанскэ кафедральнэ члисэ зэхуэхьэсам и пастыр нэхъыщхьэхэмрэ щоджэнхэмрэ я зэхуэсым ирихьэлIэу махуэшхуэ тхьэлъэIу литургие иригъэкIуэкIащ.
ТхьэлъэIур иригъэкIуэкIащ Ставропольскрэ Невинномыскрэ я митрополит Кирилл, Псыхуабэ, Черкесск щIыналъэхэм я архиепископ Феофилакт, Георгиевскрэ Прасковейскрэ я щихънагъ Гедеон, Ставрополь духовнэ семинарием и егъэджакIуэхэр, епархием и щоджэнхэр щIыгъуу.
ТхьэлъэIум хэтащ духовнэ школым и егъэджакIуэхэмрэ студентхэмрэ, къэзакъхэр, Иоанно-Мариинскэ цIыхубз къулъшырыфым и игумение Иоанн (Лихоманов) члисэм и шыпхъухэмрэ екIуалIэхэмрэ щIыгъуу.
ЗэфIагъэкIа лэжьыгъэхэм папщIэ «Старвопольский крест» медалым и III нагъыщэр хуагъэфэщащ духовнэ школым и егъэджакIуэ щоджэн нэхъыжь Нартов Александр. Юбилей щоджэн нэхъыщхьэ щIыхь тхылъыр хуагъэфэщащ егъэджакIуэ щоджэн нэхъыжь Фещенкэ Стефан, Фаустов Константин.
Литургие нэужьым щоджэнхэм ягъэлъэпIащ щихъ Игнатий (Брянчанинов) и тхьэнапэмрэ и къарум щыщ Iыхьэхэр зэрылъ ковчегымрэ.
Ставрополь митрополием и Iэтащхьэр тхьэлъэIум хэтхэм ехъуэхъуащ Ставрополь духовнэ семинарием и фэеплъ махуэмкIэ. ХъуэхъукIэ архиепископ Феофилакт зыхуигъэзащ егъэджакIуэхэмрэ студентхэмрэ.