Псыхуабэ епархием мэлыжьыхьым и 19-24-хэм щекIуэкIащ Урысейм и паломник IуэхущIапIэхэм я унафэщIхэм я хъыбарегъащIэ тур. ЗекIуэр игъэхьэзыращ епархием и «Кавказский паломник» IуэхущIапIэм Къэбэрдей-Балъкъэрымрэ
Къэрэшей-Шэрджэсымрэ туризмымкIэ я министерствэхэм я гъусэу. Турым и япэ махуэм абы хэтхэр Псыхуабэ, Черкесск щIыналъэхэм я архиепископ Феофилакт иригъэблэгъащ Второафонскэ Бештаурскэ къулъшырыфым. Щихънагъым хьэщIэхэм фIэхъус ярихащ, Кавказ щIыналъэм теухуа упщIэхэм жэуап иритащ.
Москва, Санкт-Петербург, Екатеринбург, Новокузнецк, Челябинск, Смоленск, Курск, Волгоград, Зеленоград къалэхэм, Кавказым нэхъыбэр щыIатэкъым. Кавказым и Минводы и къалэхэм, Архыз и члисэжьхэм, Iуащхьэмахуэ лъапэ зэрызыхагъэгъуэзар хъыбарегъащIэ турым хэтхэм гукъинэж ящыхъуащ. ЗекIуэр ещхь хъуащ «Кавказский Паломник» IуэхущIапIэм и лэжьыгъэм, ТхьэлъэIуакIуэ гупхэмрэ цIыху зырызхэмрэ иригъэблагъэу. Зи закъуэу кIуэхэм махуэ хэхахэр хуагъэлъагъуэ. Гупыж зыщI дэтхэнэри зекIуэм хыхьэфынущ, махуи 5-6-м тещIыхьам.
ЛъапIэныгъэхэмрэ щIыуэпс щIыпIэхэмрэ ямызакъуэу хьэщIэхэм къаплъыхьащ хьэщIэщхэр, пансионатхэр, хостелхэр, щIыналъэ лъапIэм Тхьэ елъэIуну кIуа гупхэр къыщыувыIэ хабзэхэр.
«Мы зекIуэм дыщыIэкIэрэ, - щатхащ хъыбарегъащIэ турым хэтхэм архиепископ Феофилакт зэрызыхуагъазэ фIыщIэ тхылъым, - къыщытщIащ Тхьэм и нэфI зыщыхуа Кавказым и лъапIэныгъэхэм теухуахэр. Мыбдеж щыIэщ пасэрей лъапIэныгъэхэр, тхыдэ щIыпIэ дахэхэр. Иджы ди къалэныр а хъыбарыр щIыналъэ лъапIэм Тхьэ елъэIуну кIуэнухэм я деж нэтхьэсынырщ».