Архиепископ Феофилакт «ГуфIэгъуэр зыри ущыхуэмыныкъуэркъым, гуныкъуэгъуэ ущимыIэркъым, атIэ Тхьэм псом папщIи фIыщIэ щыхуэпщIырщ»

13.03.2021
Просмотры: 2490

2021 гъэм гъатхэпэм и 11-м Кисловодск къалэм и Чристэн Свято-Никольскэ классическэ гимназием щекIуэкIащ Псыхуабэ, Черкесск щIыналъэхэм я архиепископ Феофилакт класс нэхъыжьхэм щIэсхэм щыхуэза зэIущIэ.

Щихънагъым IущIащ гимназием и къэзакъ ныбжьыщIэхэр. Актовэ пэшым гимназием и ансамблым Синявская Татьянэ и унафэм щIэту литературэ-макъамэ композицэ утыку къыщрихьащ дагъэ зыщIэлъ шхыныгъуэхэм я тхьэмахуэм теухуауэ. Гимназием и унафэщI щоджэн нэхъыжь Знаменский Иоанн фIыщIэ хуищIащ Пастыр нэхъыщхьэм, гимназием и нэIэ зэрытригъэтым папщIэ икIи егъэджакIуэхэмрэ еджакIуэхэмрэ гулъытэ зэрахуищIыр щIыгъуу. Зыкъагъэлъэгъуа нэужь класс нэхъыжьхэм щIэсхэм Щихънагъ Феофилакт я гъусэу гимназием и шхапIэм шей щефащ.

Щихънагъым зэпсэлъэныгъэр иригъэжьащ «Сыт гуфIэгъуэр зищIысыр» темэмкIэ, щытыкIэ гугъу ихуа цIыхухэм яхутепсэлъыхьащ, мащIэм щымыгуфIыкIыфхэм. Пастыр нэхъыщхьэр къытеувыIащ «гуфIэгъуэр псори ущиIэр, гуныкъуэгъуэ ущимыIэр зэрымыарар, атIэ Тхьэм уиIэ псомкIи фIыщIэ щыхуэпщIыр зэрыарар».

Архиепископым еджакIуэхэр къыхуриджащ «зэпымыууэ иджыпсту яIэм щыгуфIыкIыну, Тхьэм а дакъикъэм къаритам» икIи ягу къигъэкIыжащ «Тхьэм дэтхэнэри фIыуэ зэрилъагъур» икIи ныбжьыщIэхэм лъэIукIэ захуигъэзащ: - «Фи гъащIэм зэхъуэкIыныгъэ гуэрхэр хэфлъхьэну гукъыдэж щыфщIкIэ, Iэмал имыIэу мыпхуэдэ упщIэ вгъэув «Ди Тхьэ, мыпхуэдэу сщIымэ, уигу ирихьыну? Апхуэдэу жыфIи, итIанэ, фегупсыси, зи ужь фит Iуэхугъуэр вгъэзащIэ. Гимназием и гъэсэнхэм нэгъуэщI хьэщIэми упщIэхэмкIэ зыхуагъэзащ и школ илъэсхэм, ныбжьэгъугъэм, литературэм, фильмхэм, социальнэ сетхэм, лъэпкъ зэхущытыкIэхэм ятеухуауэ.

ГъэщIэгъуэну, щхьэпэу екIуэкIащ икIи куэд и гъащIэмрэ IуэхущIафэхэмрэ иригъэгупсысыжащ щихънагъым мы псалъэхэмкIэ зэхуищIыжа зэхыхьэм: «Уафэм вагъуэхэр пынэмэ, абы зыгуэр хуэныкъуэщ».

2490
Фотогалерея