2021 гъэм гъатхэпэм и 11-м Псыхуабэ епархием и унэм Псыхуабэ, Черкесск щIыналъэхэм я архиепископ Феофилакт щыIущIащ епархием и щоджэнхэм. Щихъyагъыр абыхэм ехъуэхъуащ Кхъуей зыщIэлъ шхыныгъуэхэм я тхьэмахуэмкIэ икIи я лэжьыгъэхэм папщIэ фIыщIэ яхуищIащ. Пастыр нэхъыщхьэм щоджэн нэхъыжь Дмитриенкэ Сергий яригъэцIыхуащ, Псыхуабэ, Лермонтовэ благочиниехэм я щоджэн къулыкъур зыхуагъэфэщар икIи яжриIащ щоджэн нэхъыжь Лиманов Гермоген Налшык округым и щоджэну зэрыхахар.
Нэхъыщхьэу ахэр зытепсэлъыхьар щоджэнхэм дэIэпыкъунырщ, псом хуэмыдэу щIалэгъуалэм, щоджэнхэм я унагъуэхэм. Духовнэ дэIэпыкъуныгъэр псом хуэмыдэу нэрылъагъу хъуащ пандемие махуэхэм щытыкIэ гугъу ихуэри. Щоджэн нэхъыщхьэм къыхигъэщащ духовнэ тхьэлъэIу хабзэхэр хъумэн, ахэр щIалэгъуалэм я деж нахьэсын зэрыхуейр. Ди жагъуэ зэрыхъущи, демографие щытыкIэм и зэранкIэ нэхъыжьхэмрэ щIалэгъуалэмрэ зэхуаку яIэ хъуащ. «Члисэ Анэм и хабзэхэм щIалэгъуалэр хуэдгъэсэн хуейщ. Щоджэныр гуэныхьхэр зэраIуэтэжым и щыхьэт къудейкъым, атIэ ныбжьэгъущ, дэIэпыкъуэгъущ, къуэшым чэнджэщ гуапэ езытщ. Щоджэным и къалэн нэхъыщхьэр зэгъусэ тхьэлъэIумкIэ Iущыгъэхэр щIалэгъуалэм яхилъхьэнырщ», - жиIащ архиепископ Феофилакт.