2021 гъэм гъатхэпэм и 9-м Псыхуабэ къалэм Горький Максим и цIэр зезыхьэ и библиотекэ нэхъыщхьэм щекIуэкIащ Псыхуабэ, Черкесск щIыналъэхэм я архиепископ Феофилактрэ библиотекэм и лэжьакIуэхэмрэ тхылъеджэхэмрэ я зэIущIэ. Чристэн тхылъым и махуэм и пэ къихуэу къызэрагъэпэща зэхыхьэр гъатхэпэм и 14-м ирихьэлIэу хабзэ хъуащ. Зэхыхьэм хэтащ Псыхуабэ члисэ округым и благочиннэ щоджэн нэхъыжь Симанович Олег, Псыхуабэ епархием тхылъхэр щызэбгырыгъэкIынымрэ библиотекэм зегъэужьынымкIэ жэуап зыхьыр.
Архиепископ Феофилакт библиотекэр къызэрагъэщIэрэщIэжам папщIэ гуфIащ, нэгъабэ «Культурная среда» федеральнэ проектым и «Щэнхабзэ» лъэпкъ проектым модульнэ зэрыщыхъуам и фIыгъэкIэ. «ЛэжьакIуэхэм, еджакIуэхэм папщIэ IуэхущIапIэр зыхуеину псомкIи къызэгъэпэща зэрыхъуам срогушхуэ», - жиIащ Пастыр нэхъыщхьэм.
Зэхыхьэм хэтхэм гъэщIэгъуэн ящыхъуащ Щихънагъым къыбгъэдэкI псалъэхэр, езыр зэджэ тхылъхэм, фильмхэм ятеухуауэ. «Книга Илая» фильмыр ягу къыщигъэкIыжым, лIыхъужь нэхъыщхьэм ХъыбарыфIхэр зэрыт тхылъ лъапIэр къызэрилъыхъуэр, Пастыр нэхъыщхьэм къыхигъэщащ дэтхэнэми «Илай и тхылъыр» къигъуэтыжын зэрыхуейр, иужькIэ къыхуэщхьэпэжыну, иджырей лъапIэныгъэхэр зыгуэрым къыщыхуриджэкIэ тегъэщIапIэ ищIын папщIэ, диным пэжыжьэм, псэр зыгъэутхъуэм. ХьэщIэхэм жэуап иратащ зэхыхьэм хэтхэм я упщIэхэм.
Псыхуабэ и библиотекэ нэхъыщхьэм и унафэщI Орловэ Флоренс къытеувыIащ библиотекэм и лэжьыгъэм халъхьэ IэмалыщIэхэм.
Гъэ къэси хуэдэу архиепископ Феофилакт библиотекэхэмрэ зэхыхьэм хэтхэмрэ тыгъэ яхуищIащ чристэн тхылъхэр, «Тэрч къыдэкIыгъуэр» хыхьэу. Щихънагъым къыхигъэщащ къыдэкIыгъуэм иджырей къэхутэныгъэхэри тхыдэ, щэнхабзэ, тэрч къэзакъхэм я антропологие репринтнэ материалхэри абы къызэрызэщIиубыдэр, Кавказым ис къэзакъхэм я тхыдэм дихьэххэм къазэрыхуэщхьэпэнур.