2021 гъэм щIышылэм и 27-м, щихъ, апостол пэлъытэ, Куржым и узэщIакIуэ Нинэ и фэеплъ махуэм, Кисловодск къалэ-зыгъэпсэхупIэм щихъ узэщIакIуэм и цIэкIэ ирагъэжьа члисэ ухуэныгъэм и деж махуэшхуэ тхьэлъэIу щригъэкIуэкIащ Кисловодскэ члисэ округым и благочиннэ щоджэн нэхъыжь Знаменский Иоанн. Благочиннэм къулыкъур драгъэкIуэкIащ Георгиевскэ цIыхубз къулъшырыфым и щоджэн Янковский Давид. ТхьэлъэIум хэтащ Псыхуабэ, Черкесск щIыналъэхэм я
архиепископ Феофилакт члисэ ухуэныгъэмкIэ и дэIэпыкъуэгъу Музенитов Павел, члисэм и ктитор Лобжанидзе Павел, къалэ-зыгъэпсэхупIэм щыпсэухэмрэ абы и хьэщIэхэмрэ. ТхьэлъэIу нэужьым Иоанн къалэм и куржы зэгухьэныгъэм ялъигъэIэсащ Псыхуабэ, Черкесск щIыналъэхэм я архиепископ Феофилакт и псалъэхэр икIи я фIэщхъуныгъэр нэхъри быдэ хъуну, щихъ, апостол пэлъытэ Нинэ и нэIэ къатетыну, члисэ ухуэныгъэмкIэ Тхьэр къадэIэпыкъуну щIигъужащ. Лобжанидзе Павел благочиннэм фIыщIэ хуищIащ зэгъусэ тхьэлъэIу гуфIэгъуэм папщIэ, Музенитов Павел – члисэ ухуэныгъэм папщIэ. ИужькIэ тхьэлъэIум хэтхэм я щхьэр хуагъэлъэхъшащ щихъ Нинэ и жорым.
***
Щихъ, апостол пэлъытэ, Куржым и узэщIакIуэ Нинэ и цIэр зезыхьэ мывэр Кисловодск къалэ сымаджэщ Батарейнэ бгым тетым 2016 гъэм щэкIуэгъуэм и 19-м щекIуэкIащ. Члисэр псапащIэхэм я мылъкукIэ яухуэ.