2020 гъэм дыгъэгъазэм и 24-м Урыс Чристэн Члисэм и Патриаршэ благочиниер Тыркуменистаным пIалъэкIэ щызезыгъакIуэ Псыхуабэ, Черкесск щIыналъэхэм я архиепископ Феофилакт 2020 гъэм Азие курыт митрополичье округым и Синодым и иужьрей зэхыхьэм къыщыпсэлъащ. Ар зэпэIэщIэу екIуэкIащ.
Синод зэIущIэр иригъэкIуэкIащ Азие курыт митрополичье округым и Iэтащхьэ, Ташкентскрэ Узбекистанскрэ я митрополит Викентий. Синодым хэтщ Бишкекскрэ Кыргызстанскрэ я щихънагъ Даниил, Душанбинскрэ Таджикистанскрэ я щихънагъ Павел. Округым и Синодым хэтхэр апхуэдэу журналибгъум хэплъащ, епархием и Iуэхухэм ехьэлIахэм. Пастыр нэхъыщхьэхэм къыхагъэщащ пандемием ехьэлIа Iуэхугъуэхэр я къэралым зэрыщекIуэкIыр, а пIалъэм ирихьэлIэу зэфIагъэкIыну зыхунэсахэр.
Митрополит Викентий щихънагъхэм фIыщIэ яхуищIащ епархием щрагъэкIуэкIа лэжьыгъэхэм. Зэхыхьэр и кIэм щынэблагъэм Азие Курыт митрополичье округым и Синодым хэтхэм пастырхэм, къардэнхэм, инокхэм, инокинхэм, Азие Курут митрополичье округым и Урыс Чристэн Члисэм хуэпэжхэм коронавирус узыфэм ехьэлIа пандемием теухуауэ зэразыхуигъазэм къеджащ.