2020 гъэм дыгъэгъазэм и 23-м Псыхуабэ, Черкесск щIыналъэхэм я Епархие зэхуэсыр зэпэIэщIэу екIуэкIащ. Епархием и Iэгъуэблагъэхэм коронавирус узыфэм зиубгъунымкIэ щытыкIэм зэщхьэщыкIыныгъэ иIэщ. Аращ мы гъэм зэпэIэщIэу зэIущIэхэр къыщIызэрагъэпэщыр.
Иджыблагъэ Епархием и зэхуэсыр зэпэIэщIэу ирагъэкIуэкIащ, нэхъапэIуэкIэ дин щIэныгъэмрэ катехизацэмкIэ къудамэм и конференцэр, епархием и X Хъуромэ щIэныгъэ къеджэныгъэхэм хыхьэу. Мы гъэм 22-нэу зэпэIэщIэу архиепископ Феофилакт епархием и къудамэхэм я унафэщIхэм, члисэ округхэм я благочиннэхэм яIущIащ. Апхуэдэу Пастыр нэхъыщхьэм эфир занщIэу епархием и аккаунтым 29-рэ щригъэкIуэкIащ.
Епархием и зэхуэсым видеозэпыщIэныгъэм члисэ округибгъу къзэщIиубыдащ, Георгиевскэ Второафонскэ цIыхухъу, цIыхубз къулъшырыфхэр. Щоджэнхэмрэ ирагъэблэгъа къызэрыгуэкI цIыхухэмрэ, къэзакъхэм я лIыкIуэхэр, Епархием и зэIущIэм хэтащ: «Кавказский паломник» IуэхущIапIэм и унафэщI, епархием щэнхабзэмкIэ и къудамэм, епархием и унэм я лэжьакIуэхэр, псори зэхэту цIыхуи 187-рэ.
Зэхуэсыр ирагъэкIуэкIын папщIэ унафэщIым и къуэдзэхэм зэдэарэзыуэ хахащ Минераловодскэ благочинием и клирик щоджэн нэхъыжь Макаров Николай, протоколыр ирагъэкIуэкIын папщIэ секретару хахащ епархием и Административнэ секретариатым и унафэщI щоджэн Яковенкэ Илия. Зэхыхьэр тхьэлъэIукIэ ирагъэжьащ. Апхуэдэу зэIущIэм Тхьэ щелъэIуащ дунейм ехыжа щоджэнхэм я псэр зэгъэну.
Щоджэн нэхъыщхьэм и докладым зыубгъуауэ къыщытеувыIащ упщIэ зыбжанэм икIи нэхъыщхьэ хъуащ щытыкIэщIэм къулыкъу щIэныр, коронавирус узыфэм земыгъэубгъун папщIэ. «Дэ зэпымыууэ махуэгъэпсым дытету дыпсэуащ, IутIыжыр щIэх къэблэгъэным дыпэплъэу, члисэ нэщIхэм IутIыжыр щыдгъэкIуа нэужь дэркIэ гурыIуэгъуэ хъуащ махуэгъэпсымкIэ гъащIэм дызэреплъым мыхьэнэ зэримыIэр. Тхьэм псори и IэмыщIэм илъщ икIи дэтхэнэри чристэн хъуну хунэсын хуейщ, - жиIащ архиепископ Феофилакт. Щихънагъым къыхуриджащ зыр зым Тхьэ хуелъэIуну, цIыхухэр зэкъуэувэн папщIэ.
Псом хуэмыдэу щихънагъым къыхигъэщащ чристэн псапащIэхэр, зи ныбжь хэкIуэтахэмрэ сымаджэхэмрэ ядэIэпыкъуахэр. Абы нобэр къыздэсым пащэ. «Ди чристэныгъэр – гъунэгъухэм дадэIэпыкъунырщ», - ягу къигъэкIыжащ Пастыр нэхъыщхьэм. Доклад нэужьым архиепископ Феофиалкт зэхуэсым хэтхэм я упщIэхэм жэуап иритащ.