2020 гъэм дыгъэгъазэм и 8-м Псыхуабэ, Черкесск щIыналъэхэм я архиепископ Феофилакт КИФЩI-м и члисэхэм я щоджэнхэм я гъусэу IущIащ Псыхуабэ Думэм и унафэщI Похилько Людмилэ. Депутатхэм я унафэкIэ къалэм и члисэхэм я щоджэнхэм иратащ Псыхуабэ къалэр илъэс 240-рэ зэрырикъум и щIыхькIэ медалхэр. Дамыгъэхэр яритри, Людмилэ щоджэнхэм фIыщIэ яхуищIащ: «Мы махуэхэм фи пщэм жэуаплыныгъэ ин къыдохуэ. Сымаджэхэм я деж фокIуэ, хуэныкъуэхэм фадоIэпыкъу, къару яхыволъхьэ».
Архиепископ Феофилакт Похилько Людмилэрэ къалэм и депутатхэмрэ фIыщIэ яхуищIащ. «Уи лъэпкъым лъагъуныгъэ узэрыхуиIэр псалъэ къудейкIэкъым къызэрыбгъэлъэгъуэн хуейр, атIэ IуэхукIэщ. Ди дэтхэнэ зэгухьэнгъэми Псыхуабэ фIыуэ зэрилъагъур IуэхукIэ щIегъэбыдэ. Ар члисэ Iэгъуэблагъуэхэр зэлъыIухынырщ, гъэнэхунырщ. Социальнэ Iуэхугъуэхэр, хуэныкъуэхэм защIэгъэкъуэнри абы щыщщ. ЕкIуэлIапIэхэм шхыныгъуэхэр щагуэш, хуэныкъуэхэм щадоIэпыкъу. Пандемием зэрыщIидзэрэ линэ пщтырыр мэлажьэ. ФIыуэ тлъагъу къалэм псори зы унагъуэшхуэм хуэдэу дыдэсщ. Сыт хуэдэ IуэхугъуэмкIи зыр адрейм дызэрыдэIэпыкъум срогушхуэ», - жиIащ Щихънагъым.