2020 гъэм щэкIуэгъуэм и 28-м Санкт-Петербург щызэхуащIыжащ туроператорхэмрэ отельерхэмрэ я зэIущIэ Ставрополь крайм и турист унэтIынгъэм я лIыкIуэхэм драгъэкIуэкIар. Зэхыхьэр къызэригъэпэщащ Санкт-Петербург и хьэрычэт Iуэху цIыкIумрэ курытымрэ зегъэужьынымкIэ фондыр, «Мой бизнес» лъэпкъ онлайн порталыр. ХъыбарегъащIэ дэIэпыкъуныгъэ къыхуащIащ «Опора России» жылагъуэ зэгухьэныгъэмрэ «Prohotel» проекымрэ.
Ставропольем щIыналъэ лъапIэм Тхьэ елъэIуну зэрыкIуэну унэтIыныгъэр игъэлъэгъуащ Псыхуабэ епархием и «Кавказский Паломник» IуэхущIапIэм и унафэщI Логвиненкэ Ларисэ.
- Нэхъыбэрэ, - и псалъэм къыхигъэщащ Ларисэ, - ди щIыналъэр, Кавказым и Минводы, - псом япэу, узыншагъэр щрагъэфIакIуэу къалъытэр, псы хущхъуэмкIэ, хьэуамкIэ, дунейм и щытыкIэмкIэ. КъищынэмыщIауэ, - щIыналъэм пасэрей тхыдэр, щэнхабзэм и фэеплъхэр, члисэжьхэр, афон къулъшырыфхэр, къэзакъ архитектурэр къыдокIуэкI. Апостолхэр зэрыкIуа гъуэгухэр, псапащIэхэр, зыплъыхьакIуэхэр, сатуущIхэр апхуэдэщ. Щэнхабзэр щызэблэкI, хабзэхэр, лъэпкъ зэмылIэужьыгъуэхэм я динхэмкIэ щызэхъуажэ щIыпIэщ. Тхьэм и нэфI зыщыхуа Кавказым щIыналъэ лъапIэм Тхьэ елъэIуну зэрыкIуэ и гъуэгущ ди щIыналъэр. Кавказыр кърипцIыхуну IэмалыфIщ ар: пасэрей, чристэн дин зи къалэныр лIэщIыгъуэ 10-хэм къыщежьэр, хьэщIэкIэ фIыр.
Зэхыхьэм къыщыпсэлъащ турист рынокым и федеральнэ спикерхэр, властымрэ хьэщIагъэмкIэ лъэпкъпсо зэгухьэныгъэмрэ. Ставрополь крайм и лIыкIуэхэм зыхагъэгъуэзащ Пащтыхь къуажэм и хьэщIэщхэм, Санкт-Петербурги зыщаплъыхьащ.