Псыхуабэ, Черкесск щIыналъэхэм я архиепископ Феофилакт, Къэбэрдей-Балъкъэрым и члисэ зэгухьэныгъэхэм щыщыIам, Бахъсэн къалэм и Покров члисэм и ухуэныгъэ утым кIуащ. Щоджэн нэхъыщхьэм IущIащ члисэм и унафэщI щоджэн нэхъыжь Байзулаев Василий.
Члисэр Псыхуабэ епархием и псапэкIэ яухуэ. УхуакIуэхэм блынхэр куполым нэс драгъэкIуеящ, екIуэлIапIэм и лъабжьэр ящIащ, псапэ шхапIэрэ тхьэмахуэ школрэ къыщызэрагъэпэщынум. Архиепископ Феофилакт унафэщIым жриIащ етIанэгъэ епархием и бюджетым къыхэкIыу ухуэныгъэм зэрыпащэнур.
***
ЧлисэщIэм и япэ мывэр Къэбэрдей-Балъкъэрым къыщыкIуа махуэхэм игъэнэхуат Москварэ Урысей псомрэ я Патриарх ЛъапIэ Кирилл. Мывэр ягъэтIылъащ 2016 гъэм жэпуэгъуэм и 15-м, Псыхуабэ, Черкесск епархием и архиепископ Феофилакт. ИужькIэ ирагъэжьащ тхылъхэмрэ проектхэмрэ ягъэхьэзырын. Ухуэныгъэм жыджэру и ужь ихьащ 2018 гъэм цIыхухэм я дэIэпыкъуныгъэкIэ.