Псыхуабэ, Черкесск щIыналъэхэм я архиепископ Феофилакт 2020 гъэм щэкIуэгъуэм и 8-м тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ Псыхуабэ епархием и щоджэнхэм Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къалэдэсхэр, зыгъэпсэхупIэм и хьэщIэхэр. ХъыбарыфIхэр зэрыт тхылъ лъапIэм къеджа нэужь, Щихънагъым фIэщхъунгъэ зиIэхэм узэщIыныгъэкIэ захуигъэзащ.
ИужькIэ архиепископ Феофилакт тхьэлъэIу иригъэкIуэкIащ пандемием илIыкIахэм папщIэ. «Псоми фIыщIэ фхузощI, си къуэш, шыпхъу лъапIэхэ, дунейм ехыжа си анэм папщIэ Тхьэ фызэрелъэIуам, си Iыхьлыхэм факъызэрыдэIэпыкъуам щхьэкIэ».
Дохутырхэм, медицинэ шыпхъухэм, къуэшхэм фIыщIэ яхуэфащэщ сымаджэхэм я къарум къихь зэрыхуащIэм папщIэ. Тхьэм зэришэлIэжахэм папщIэ Тхьэ солъэIу. Си анэм и гъусэу сигу къызогъэкIыж дунейм ехыжа дохутырхэр, медицинэ лэжьакIуэхэр, зи лъагъуныгъэр тыгъэ къытхуэзыщIахэм, ди тхьэлъэIу хуэныкъуэхэм» - жиIащ Пастыр нэхъыщхьэм зэгъусэ тхьэлъэIум хэтхэм защыхуигъазэм.