2020 гъэм жэпуэгъуэм и 18-м Псыхуабэ и Спасскэ кафедральнэ члисэ зэхуэхьэсам и тх-ьэлъэIу литургием хыхьэу Псыхуабэ, Черкесск щIыналъэхэм я архиепископ Феофилакт къулыкъур дригъэкIуэкIащ Псыхуабэ епархием и щоджэн нэхъыжь Устименкэ Филипп, тхьэмахуэ махуэм зи фэеплъыр ягъэлъэпIам. Филипп пресвитор къулыкъур тхьэлъэIум щригъэкIуэкIащ.
Иджыблагъэ абы игъэлъэпIащ илъэс 90 зэрырикъур икIи литургие нэужьым архиепископ Феофилакт щоджэным ехъуэхъуащ икIи Москварэ Урысей псомрэ я Патриарх Кирилл жриIащ зыхуэфащэ щоджэныр зэрагъэлъэпIэнур.
Урыс Чристэн Члисэм и Iэтащхьэр къыпэджэжащ Пастыр нэхъыщхьэм и лъэIум икIи щоджэн нэхъыжь Устименкэ Филипп тыгъэ къыхуищIащ члисэ дамыгъэ лъапIэр – щихъ Саровский Серафим и орденым и 1 нагъыщэр. Щоджэн
нэхъыщхьэм дамыгъэр юбилярым иритыжащ икIи Филипп ехъуэхъуащ и къулыкъур игъэзэщIэнымкIэ Тхьэр къыдэIэпыкъуну.
***
Щоджэн нэхъыжь Устименкэ Филипп 1930 гъэм жэпуэгъуэм и 5-м Сухуми районым и Псху къуажэм мэкъумэшыщIэ унагуъэм къыщалъхуащ. 1949 гъэм Филипп школыр къиухащ, 1953 гъэм духовнэ семинариер, 1957 гъэм – духовнэ академиер. Филипп 1958 гъэм щоджэн къулыкъур къыхуагъэфэщащ. Илъэс 60-м щIигъуауэ Тхьэм къулыкъу хуещIэ.