Зы илъэсым щIигъу и пэкIэ Псыхуабэ, Черкесск епархиемрэ «Кавказский паломник» IуэхущIапIэмрэ – Урыс Чристэн Члисэм щыщу щIыналъэ лъапIэм кIуащ Канадскрэ Монреальскрэ я архиепископ Гавриил я пашэу.
Кавказыр, абы и Iэгъуэблагъуэхэр, и пасэрей ухуэкIэр хьэщIэхэм телъыджэ ящыхъуащ: ахэр ди къулъшырыфхэм, Iуащхьэмахуэ лъапэ, пасэрей члисэхэм щыIащ.
Щежьэжым мурад ящIащ иджыри зэпыщIэныгъэм зрагъэубгъуну: зыр зым Тхьэ хуелъэIуну, Америкэм и чристэн гъащIэм теухуа хъыбархэмкIэ зэдэгуэшэну.
ХытIыгумкIэ зэныбжьэгъугъэмрэ дэIэпыкъуныгъэмрэ я Iуданэр яунэтIащ. ЩIыналъэ лъапIэм Тхьэ елъэIуну къэкIуахэм ящыщ зы – Королевэ Алевтинэ лъэIуащ Тхьэм и тхьэнапэр Нью-Йорк щихъ Радонижский Сергий и цIэр зезыхьэ Синод члисэм папщIэ итхыну. Алевтинэ а щIэдзапIэм и нэIэ тригъэтын иригъэжьащ, материал нэхъыфI дыдэхэр къригъэщэхуащ, киотым папщIэ.
Илъэсрэ ныкъуэрэ дэкIа нэужь художник, тхьэнапэхэр зытх Шалинэ Людмилэ и лэжьыгъэр и кIэм нигъэсащ: плъыфэ къекIу, тхыгъэ гъуэзэджэ, дыщэ тебзэжауэ щыхьэт техъуэрт IэпщIэлъапщIэм и лэжьыгъэм… ар хытIыгум адэкIэ ирагъэхьыну къапэщылът, дунейм щыIэ зэпыщIэныгъэр щызэпыуам ирихьэлIэу. Тхьэнапэр Москва ирагъэхьащ икIи абы зыщиIэжьащ, гъуэгу щытехьэнум пэплъэу. Владимирскэ тхьэнапэм и Сретения махуэшхуэм и пэ къихуэу хъыбар къэкIуащ: екIуэлIапIэм кIуэхэм ящыщу Америкэм и Штат Зэгуэтхэм щыщ цIыхубз Москва илъэтыкIыу Нью-Йорк лъэтэжын хуейт. Абы пщэрылъ щащIащ килограмми 10 зи хьэлъагъ тхьэнапэр нихьэсыну икIи ар IэкIэ хьын хуейт.
ФокIадэм и 8-м тхьэнапэр Нью-Йорк нагъэсащ. ФокIадэм и 9-м абы щыIущIащ щихъ Радонижский Сергий и цIэр зезыхьэ Синод члисэм. Манхэттен и епископ Николай тхьэлъэIур иригъэкIуэкIри игъэнэхуащ апхуэдиз гъуэгуанэ зэпызыча Тхьэнапэр, Кавказым зи гъуэгуанэр щрагъэжьар. Королевэ Алевтинэ зэритхам тету: Тхьэм и Анэм и тхьэнапэм дызэкъуигъэуващ.