2020 гъэм мэлыжьыхьым и 16-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ зэхуэхьэсам члисэм и щоджэнхэм щIыгъуу.
А махуэм Щихънагъым игъэнэхуащ IутIыж кулич минищрэ ныкъуэ, Кавказым и Минводы и медикхэм папщIэ Псыхуабэ и щIакхъуэгъажьэ комбинатым щагъэхьэзырахэр. «Холдинг-аква» IуэхущIапIэр, псапащIэхэр, Урысейм и къэрал Думэм и депутат Казаковэ Ольгэ я дэIэпыкъуэгъуу «Спасибо, доктор» Iуэхум хыхьащ, ди къэралым и щIыналъэхэм нобэ щекIуэкIым, пандемием пэщIэт дохутырхэм яхуэгъэзауэ.
- Нобэ сэркIэ тхьэлъэIу махуэ хэхащ – ди дохутырхэм папщIэ фIыщIэ тхьэлъэIу дощI, я гъащIэм емыблэжу ди узыншагъэр къэзыхъумэхэм, сымаджэхэр зыгъэхъужхэм, - жиIащ Пастыр нэхъыщхьэм. – Абыхэм фIыщIэ яхуэтщIын папщIэ Тхьэ дахуелъэIу къудейкъым, щIакхъуэкIэ дадогуашэ цIыхугъэ зетхьэу – IутIыж куличхэмкIэ а махуэм хабзэ зэрыхъуауэ дгъэнэхуу махуэкум IутIыж куличхэр. Абыхэм папщIэ нобэ догъажьэ икIи яхудошэ – езыхэм зэман къахудэхуэжыну къыщIэкIынкъым.
Щихънагъым фIыщIэ хуищIащ Iуэхур къызэзыгъэпэщахэмрэ щIакхъуэхэр зыгъэжьахэмрэ, IутIыж гуфIэгъуэр цIыху нэхъыбэм зэрылъагъэIэсым папщIэ, хъэлат хужь зыщыгъхэри хыхьэу, IэнатIэ Iутхэр.