2020 гъэм щIышылэм и 10-м КъШР-м и Лъэпкъ библиотекэ Байрамуковэ Хьэлимэт и цIэр зезыхьэм утыку къыщрахьащ «Святые наших дней» тхылъыр, КъШР-м и Iэгъуэблагъэм фIэщхъуныгъэм и узэщIакIуэ, Тхьэм папщIэ бэлыхь куэд зышэча, гуэныхьхэр зыIуэтэжа зэхэзехуэн ящIахэм ятеухуар. Зэхыхьэм хэтащ КъШР-м и ЦIыхубэ зэхуэсым и депутатхэр, Черкесск Думэм щыщхэр, унафэщIхэмрэ егъэджакIуэхэмрэ, щIэныгъэлIхэмрэ члисэм екIуалIэхэмрэ. Дэтхэнэ зы хьэщIэми тхылъыр тыгъэ хуащIащ.
ЗэIущIэр къызэIуихащ Ищхъэрэ Къэрэшей-Шэрджэс члисэ округым и благочиннэ щоджэн нэхъыжь Нартов Александр, библиотекэм и хьэщIэхэм Псыхуабэ, Черкесск щIыналъэхэм я архиепископ Феофилакт и псалъэхэр лъэзыгъэIэсыжам икIи республикэм исхэм я дежкIэ тхылъым и мыхьэнэм къытеувыIам. Зэхыхьэм хэтхэм фIэхъус ярихащ КъШР-м лъэпкъ IуэхухэмкIэ, цIыхубэ коммуникацэхэмкIэ, печатымкIэ и министрым и къуэдзэ Гузко Сергей, Лъэпкъ библиотекэм и унафэщI Хапчаев Салыхь.
«Святые наших дней» тхылъыр къызэрыдагъэкIа грант проектым тепсэлъыхьащ проектым и унафэщI щоджэн нэхъыжь Кузнецов Сергий. Тхылъым къытеувыIащ ар зи Iэдакъэ къыщIэкIахэр – щоджэн Гурин Александррэ Псыхуабэ, Черкесск епархием и пресс-IуэхущIапIэм и журналист Осининэ Мариерэ.
Республикэм ЕгъэджэныгъэмкIэ и министерствэм гурыIуа нэужь, тхылъыр школ библиотекэхэм ягъэшэнущ икIи ар лъахэхутэ, ОРКСЭ, ОДНКНР дерсхэм къыщагъэсэбэпынущ.