Железноводскеде Ольгинский клисаны джамагъаты. Аны тамадасы протоирей Самохин Михаилни башчылыгъы бла Къабарты-Малкъаргъа бир кюннге дин джолоучулукъгъа бардыла. Джолоучулукъну аллын Свято-Троицкий тиширыу монастырдан башладыла. Паломникле Троицкий клисада дуа этиб матушка Тамара бла тюбеб анда этилген хантладан да кердюле. Андан сора паломникле Бахсан шахарда Покров клисада тохтады, анда Муромский Петр бла Феврония шыйыхланы иконаларына табын этиб, клисаны тамадасы протоирей Байзулаев Василий бла да тюбешиб ушакъ этдиле. Нальчик шахарны Магдаллы Мария шыйыхны сыйына аталгъан клисада паломниклеге, Нальчик клиса округну джуаблы православ динчиси протоирей Бобылев Валентин джарыкъ тюбеди. Железноводскеден келген къонакъла Масихни Анасыны Ивер иконасыны аллында табын этдиле.Клисаны музейине келген адамлагъа аны динчиси иерей Осипов Константин экскурсия этдирди. Андан етюб Нвальчикде Сименон клисада келген паломникле Целитель Пантелеймон бла Ушаков Федор шыйыхлагъа эмда Парижский Рустик сывйлы мученикге табын этдиле. Майский шахарны да Михайловский клисасында Железноводскеден келген къонакъла Масихни Анаасыны «Достойно есть» деген иконасына табын этиб. Клисаны тамадасы иерей Волошин Димитрий бла да тюбешдиле. Православ дин багъалатхан къауум затны да паломникле Александровский станседе Александро-Невский клисасында кердюле, аны бла бирге дин къулукъда тилекле да этдиле. Ол джолоучулукъну, Прохладный шахарда Никольский клисада Масихни Анасыны Моздок иконасыны аллында тилек этиу бла тамамладыла. Аны тамадасы протоирей Маршалкин Андрей бла тюбешгенден сора алай юелрине джол тутудула.