2019 гъэм дыгъэгъазэм и 10-м Псыхуабэ епархием и унэм щекIуэкIащ епархием и советым и зэIущIэ. Абы хэтхэр Псыхуабэ епархием и Iуэхугъуэ 19-м щыхэплъащ. Советым и лэжьыгъэм хэтащ члисэ округхэм я благочиннэхэр.
Архиепископ Феофилакт къытеувыIащ члисэ, жылагъуэ зэхуэсхэм зэрыхэтам. 2019 гъэм кърикIуа лэжьыгъэхэм тепсэлъыхьащ епархием и къудамэхэмрэ комиссэхэмрэ я унафэщIхэр.
ЗэIущIэм щыщ Iыхьэр траухуащ епархием и псапащIэ, волонтёр лэжьыгъэхэм, щIалэгъуалэм къулыкъу ящIэным. Советым хэтхэм зэхалъхьэжащ епархием и «Анэхэм папщIэ унэ» кризис центрым и грант проектым, социальнэ къулыкъу щIэным кърикIуахэр. 2019 гъэм екIуэлIапIэхэм ирагъэкIуэкIащ псапащIэ Iуэхуу 104-рэ, ерыскъыпхъэу тонни 8-м щIигъу зэхуахьэсащ, щыгъыну тонни 4, псапэ шэджэгъуашхэу мин 13 ягуэшащ. ЦIыху мини 4-м щIигъум ахъшэ дэIэпыкъуныгъэ хуащIащ. ЕкIуэлIапIэхэм щыпащэ «Хъуромэ хуабэ» Iуэхум.
Советым хэтхэм гулъытэ хуащIащ епархием и гъащIэм и хъыбарегъащIэ Iуэхум. ЦIыху мин 860-м щIигъу епархием и хъыбарыщIэхэм едэIуащ икIи еджащ, социальнэ сайтхэм и гупхэр хыхьэу. ЩэкIуэгъуэм абыхэм яIэрыхьащ «Благословенный кавказ» журналым и 100 къыдэкIыгъуэр. Телеэфирым кIуащ «О земном и о небесном» нэтыныр. Епархием и журналистхэм 2019 гъэм ягъэхьэзыращ сюжет 71-рэ, епархием и Ютуб каналым илъэсым иIащ еплъыныгъэ 71-рэ. ЗэIущIэм щытепсэлъыхьащ абы кърикIуа лэжьыгъэхэм икIи хъыбарегъащIэхэм зэрызрагъэужьынум къытеувыIащ.
Епархием и советым хэтхэм даIыгъащ архиепископ Феофилакт дыгъэгъазэм и 26-м гъэ къэс зэхашэну къыхилъхьа Епархием и зэIущIэр. Псыхуабэ щызэхуэсынущ щоджэнхэмрэ мамыр цIыхухэмрэ, екIуэлIапIэхэм мы махуэ гъунэгъухэм щыхажынухэр.