2019 гъэм щэкIуэгъуэм и 16-м Псыхуабэ, Черкесск щIыналъэхэм я архиепископ Феофилакт Греческэ къуажэм и Георгиевскэ члисэр япэу зэрагъэнэхурэ илъэси 110-рэ зэрырикъум теухуа махуэшхуэр иригъэкIуэкIащ. ТхьэлъэIу литургием хыхьэу Щоджэн нэхъыщхьэм къулыкъур драгъэкIуэкIащ Минераловодскэ члисэ округым и щоджэнхэм благочиннэ щоджэн нэхъыжь Панасенкэ Алексийрэ къардэн нэхъыжь Кубэ Димитрийрэ.
ХъыбарыфIхэр зэрыт тхылъ лъапIэм къыщыхьахэм къеджа нэужь Щихънагъым фIэщхъуныгъэ зиIэхэм захуигъэзащ узэщIыныгъэкIэ. Литургие
нэужьымрэ зэгъусэ тхьэлъэIумрэ иужькIэрэ Пастыр нэхъыщхьэм Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий ягъэлъэпIащ, иужькIэ «Кавказская Эллада» центрым зыщаплъыхьащ, члисэм пэмыжыжьэу щыIэм икIи Кавказым и Минводы и алыдж зэгухьэныгъэм и гъащIэм теухуам. А махуэм архиепископ Феофилакт игъэнэхуащ Тхьэм папщIэ бэлыхь куэд зрагъэшэча Георгий и члисэ цIыкIу Железноводск и художественно-ухуэныгъэ техникумым и Iэгъуэблагъуэм, Иноземцевэ къуажэм щыIэм. Гъэнэхун къулыкъур траухуащ еджапIэр илъэс 65-рэ зэрырикъум. Студент мин бжыгъэхэр абы ухуакIуэ IэщIагъэм, экономикэм, бух учётым, автомеханикэм, прикладной гъуазджэм щыхуоджэ. Юбилейм и щIыхькIэ Ставропольем и губернатор Владимиров Владимир техникумым къэзакъ генерал Бондарев Василий и цIэр фIащащ. Щихънагъыр егъэджакIуэхэмрэ студентхэмрэ ехъуэхъуащ, псапащIэхэм щIыхь тхылъхэр тыгъэ яхуищIащ, члисэ цIыкIу ухуэныгъэмкIэ дэIэпыкъуэгъу хъуахэм.