2019 гъэм щэкIуэгъуэм и 2-м Ставрополь къалэм щызэхуащIыжащ «История народов Кавказа: диалог культур, языков и религий» Дунейпсо щIэныгъэ конференцэр, профессор Невский В.П. къызэралъхурэ илъэси 100 зэрырикъум и щIыхькIэ къызэрагъэпэщар. Профессорым и фэеплъыр ягу къагъэкIыжыну Кавказ Ищхъэрэ федеральнэ университетым щызэхуэсащ Македоние Ищхъэрэм, Абхъазым, Москва, Урал, Дон Iус Ростов, Грознэм, Краснодар, Налшык, Ставрополь щыщ щIэныгъэлIхэр.
Конференцэм къыщыпсэлъащ Псыхуабэ епархием щихъхэр канон щIынымкIэ и комиссэм и секретарь щоджэн Гурин Александр. Щоджэныр тепсэлъыхьащ иджырей Къэрэшей-Шэрджэсым и Iэгъуэблагъэм 1918-1938 гъэхэм чристэн монаххэр зэрыщыIам теухуахэм.
Юбилей махуэм университетым къыщызэIуахащ профессор Невский и аудиторэмрэ щIэныгъэлI цIэрыIуэм и щIэинхэм ятеухуа выставкэмрэ. Конференцэр щызэхуащIыжым Ставропольрэ лъахэм Прозрителев Г.Н, Праве Г. К я цIэр зезыхьэ музей-заповедникымрэ зыщаплъыхьащ.
***
Невская Валентинэ тхыдэтх-кавказыджщ, Ставрополь къэрал университетым и профессорщ. Ар Самарэ къыщалъхуащ. 1947 гъэм абы Москва къэрал педагогикэ институтыр къиухащ. 1950 гъэм «Византия в классической и эллинистический периоды» доктор диссертацэр пхигъэкIащ. Диссертацэм и монографиер Германием къыщыдагъэкIащ. Ар нэхъ кIэщIу Япониеми къыщыдагъэкIащ. ЕджапIэ нэужьым Черкесск егъэджакIуэхэм я институтым щылэжьащ, щIэныгъэ къэхутакIуэ институтым тхыдэмкIэ и секторым и унафэщIу.
Абы Валентинэ кавказыдж цIэрыIуэ щыхъуащ, Черкессием щыпсэу лъэпкъхэм я тхыдэм елэжьащ: адыгэхэм, абазэхэм, нэгъуейхэм, къэрэшейхэм. Лъэпкъ цIыкIухэм я тхыдэр джыным и лъабжьэр игъэтIылъащ, я щэнхабзэр зэфIигъэувэжащ. 1966 гъэм «Карачай в 19 в. Эволюция аграрного строя и сельской общины» и доктор диссертацэр пхигъэкIащ. Апхуэдэу жыджэру иджащ X
лIэщIыгъуэм и члисэжьхэм я тхыдэр, Къэрэшей-Шэрджэсым и Iэгъуэблагъэм щыIэм.
1971 гъэм ар Ставрополь и къэрал педагогикэ институтым щылэжьащ, тхыдэмкIэ и кафедрэм и унафэщIу (1976-1983), профессор-консультант лэжьыгъэр ирихьэкIащ.
1993 гъэм, иужькIэ 1995 гъэм Кембридж и биографие центрым «Илъэсым и бзылъхугъэ» щIыхьыцIэр къыщыфIащащ, Лэжьыгъэм и Бэракъ Плъыжь орденыр къратащ, «И лэжьыгъэфIым папщIэ» медалыр къыхуагъэфэщащ. Невская В. П. 2009 гъэм дунейм ехыжащ.