2019 гъэм жэпуэгъуэм и 8-м Чристэн Свято-Никольскэ классическэ гимназие Кисловодск щыIэм щагъэлъэпIащ щихъ Радонижский Сергий и фэеплъыр. 1-3 классхэм щIэсхэм ягъэхьэзыращ «Сергий Радонежский – Ангел-Хранитель земли Русской» махуэшхуэ программэр. Сабийхэр усэ къеджащ, щихъ Сергий теухуа уэрэдхэр жаIащ, урыс щихъым и гъащIэм тепсэлъыхьащ. ЕджакIуэхэу ГъукIэкъул Элинэ, Синявскэхэ Аринэрэ Кириллрэ, Бедикян Ангелинэ сымэ «Семь чудес преподобного Сергия», «Сергий Радонежский как покровитель отечественного просвещения», «Памятники преподобному Сергию» презентацэхэр утыку кърахьащ.
Гимназием и унафэщI щоджэн нэхъыжь Знаменский Иоанн сабийхэм, класс унафэщI Михайловэ Иннэ, члисэ уэрэд жыIэнымкIэ егъэджакIуэ Игнатенкэ Еленэ
сымэ фIыщIэ яхуищIащ, махуэшхуэр зэрагъэхьэзырам папщIэ икIи тыгъэ яхуищIащ щихъ Сергий теухуа журналымрэ щихъым и тхьэнапэмрэ. УнафэщIым къыхигъэщащ щихъ Радонижский Сергий Урысейм псоми фIыуэ щалъагъу зэрыхъуам икIи сабийхэр къыхуриджащ еджэну, щихъ Сергий лъэIукIэ зыхуагъэзэну. Махуэшухэр щиухым гимназием и гъэсэнхэм щихъыр ягъэлъапIэу кондак, тропархэр жаIащ.