2019 гъэм жэпуэгъуэм и 6-м Кисловодск, Чристэн Свято-Никольскэ классическэ гимназием и спорткомплексым щекIуэкIащ Псыхуабэ, Черкесск щIыналъэхэм я архиепископ Феофилакт и саугъэтыр къэхьынымкIэ еханэ спартакиадэр. Зэхьэзэхуэр къызэрагъэпэщащ: Псыхуабэ епархием къэзакъхэм ядэлэжьэнымкIэ и къудамэмрэ «Тэрч къэзакъхэм я щэнхабзэр фIыуэ зылъагъухэм я зэгухьэныгъэр» фондымрэ Тэрч, Кубань къэзакъыдзэхэм я гуп 14 мы гъэм Псыхуабэ епархием и Iэгъуэблагъэм щыщу хагъэхьащ икIи мы гъэм япэу Георгиевскэ къалэм и гупыр щIыгъуу.
Махуэшхуэм и пэ къихуэу къэзакъ зэгухьэныгъэхэм я щоджэнхэм тхьэлъэIу литургиер щрагъэкIуэкIащ Кисловодск и Никольскэ члисэ зэхуэхьэсам. ТхьэлъэIур иригъэкIуэкIащ члисэ зэхуэхьэсам и унафэщI, Епархием и Советым и секретарь щоджэн нэхъыжь Знаменский Иоанн. ИужькIэ илъэс 15-25-рэ, илъэс 26-35-рэ хъухэр зэхьэзэхуащ. Зэпеуэм и программэм хагъэхьащ спорт зэпеуэхэр, къэзакъ джэгухэр. Спартакиадэм хэтхэм фIэхъус щарихым, Псыхуабэ, Черкесск щIыналъэхэм я архиепископ Феофилакт къыхигъэщащ: «Нобэ хэна щыIэкъым, сыту жыпIэмэ дыджэгуакъыми. Зэныбжьэгъугъэм, дэIэпыкъуныгъэм, хьэл-щэныфIым и щапхъэ дгъэлъэгъуауэ аращ».
НэхъыщIэ гупым щытекIуащ:
I увыпIэ – Павловскэ къэзакъ зэгухьэныгъэр; II увыпIэ – Винсадскэ къэзакъ зэгухьэныгъэр; III увыпIэ – Боргустанскэ къэзакъ зэгухьэныгъэр.
Нэхъыжь гупым я увыпIэхэр зэдагуэшащ:
I увыпIэ – Предгорнэ къэзакъ зэгухьэныгъэр; II увыпIэ – Павловскэ къэзакъ зэгухьэныгъэр; III увыпIэ – Винсадскэ къэзакъ зэгухьэныгъэр.
ТекIуахэм тренажёрхэр, медалхэр, щIыхь тхылъхэр иратащ. КъыхэжаныкIа къэзакъхэми саугъэтхэр къахьащ, гупхэм тыгъэ хуащIащ къэзакъ спартакиадэм зэрыхэтам щыхьэт техъуэ щIыхь тхылъхэр.