2019 гъэм фокIадэм и 5-м, еянэу опереттэмкIэ театрым щызэхуэсащ Псыхуабэ епархием и члисэ хорхэм я «Пою Богу моему» фестивалым. Псыхуабэ, Черкесск щIыналъэхэм я архиепископ Феофилакт и жэрдэмкIэ гала-концертым ирагъэблэгъащ Сафонов В. И. и цIэр зезыхьэ Филармоние хорыр, КМВ-м и Къэрал хорыр.
Кавминводы, Къэбэрдей-Балъкъэрым, Къэрэшей-Шэрджэсым я къалэхэм я члисэ гуп нэхъыфIхэм япэ отделением щагъэзэщIащ духовнэ уэрэдхэр, урыс классикэ, цIыхубэ уэрэдхэр. Псыхуабэ и Спасскэ кафедральнэ члисэ зэхуэхьэсам и хорым япэу концерт итынущ.
Сафоновым и цIэр зезыхьэ, Мухамеджановэ Алинэ зригъакIуэ Филармоние хорым и етIуанэ отделением «Память» программэр утыку къыщрахьащ. Абы кърихьэлIахэм гупым я зэфIэкIыр ягу къинэжащ.
Концерт нэужьым Москварэ Урысей псомрэ я Патриархым урыс члисэ уэрэдхэм зегъэужьынымкIэ и Члисэ-жылагъуэ советым хэт щоджэн нэхъыжь Кузнецов Сергий Филармоние хорым и унафэщIым тыгъэ хуищIащ архиерей щIыхь тхылъыр, щихънагъ нэхъыщхьэм къыбгъэдэкI саугъэтыр.