2019 гъэм Кисловодск и Чристэн Свято-Никольскэ классическэ гимназием щIэныгъэм и япэ махуэр траухуащ тхьэлъэIум, еджапIэм и пщIантIэм щрагъэкIуэкIам.
ТхьэлъэIур иригъэкIуэкIащ гимназием и унафэщI щоджэн нэхъыжь Знаменский Иоанн Никольскэ члисэ зэхуэхьэсам и щоджэнхэм я гъусэу. Щоджэнхэм я гъусэу Тхьэ елъэIуащ егъэджакIуэхэр, еджакIуэхэр, адэ-анэхэр.
Сабийхэмрэ егъэджакIуэхэмрэ ехъуэхъуащ хьэщIэ лъапIэхэр гъэ еджэгъуэщIэмкIэ: егъэджэныгъэмкIэ къалэ управленэм и унафэщI Бутин Юрий, къалэ администрацэм щэнхабзэмкIэ и комитетым и унафэщI Сквиренкэ Иринэ, гимназием и Попечительскэ советым и унафэщI Калугин Валерий.
Махуэшхуэр щыщIидзэм щоджэн нэхъыжь Знаменский Иоанн гимназиер къызэзыгъэпэщам лъигъэIэсащ Псыхуабэ, Черкесск щIыналъэхэм я архиепископ Феофилакт гимназием и еджакIуэхэмрэ егъэджакIуэхэмрэ зэразыхуигъазэр. Ставрополь крайм и Правительствэм къыбгъэдэкI хъуэхъур гимназием лъигъэIэсащ Сквиренкэ Иннэ.
УнафэщIыр гимназием и гъэсэнхэм, егъэджакIуэхэм, еджакIуэхэм ехъуэхъуащ Тхьэр къадэIэпыкъуну, Iущагъ, шыIэныгъэ яхэлъыну, гуапагъэ ящIэну, цIыхухэмрэ Хэкумрэ фIыуэ ялъагъуну.
«Помолясь, за книгу, дети!» махуэшхуэ концертыр унафэщIым гъэсэныгъэ лэжьыгъэхэмкIэ и къуэдзэ Синявская Татьянэ и нэIэм щIэту къызэрагъэпэщащ икIи гимназием и гъэсэнхэм я зэфIэкIым игъэгушхуащ къызэхуэсахэр икIи махуэшхуэм и хьэщIэхэр абыхэм ехъуэхъуащ.
Япэ уэзджынэр къегъэуэн къулыкъур хуагъэфэщащ 11 классым и еджакIуэ Степанов Алексийрэ 1 классым и егъэджакIуэ Галинэ Еленэрэ. Махуэшхуэм и кIэухыу еджапIэр къэзыухахэм япэ классым и гъэсэнхэм фэеплъ саугъэтхэр иратащ икIи еджакIуэхэр классым щIагъэхьащ. Гимназием и Попечительскэ советым къыбгъэдэкI шоколадхэр абыхэм иратащ. Гимназием и гъэсэн нэхъ цIыкIу дыдэхэм хъуэхъурэ саугъэткIэ захуигъэзащ Ставрополь крайм и Думэм и депутат Торосян Аркадий.
Гимназием и япэ дерсыр траухуащ сэлэтхэм 1941-1945 гъэхэм зэрахьа лIыгъэм.