Быйыл июль айны 8-де Пятигорске бла Черкесскени архиепископу Феофилакт, Джегетей Аягъы шахарны Московский поселогунда Муромскийле Петр бла Феврония шыйыхланы сыйларына аталыб ишленнген клисагъа нюр салгъан адет бла Дин къуллукъ да этди. Архиерейге дин къуллукъ болушлукъну , Къарачай-Черкесияда Шмал клиса округну джуаблы динчиси протоирей Нартов Александрны башчылыгъы бла округну динчилери бла протодиакон Куба Димитрий этдиле. Клисагъа нюр салгъан адетге микрорайону православ джамагъаты бла эмда республиканы башха приходларындан да талай адам келген эдиле. Дин къуллукъ бошалгъандан сора республиканы адамларын республиканы Халкъ Джыйылыууну Председатели Иванов Александр бла архиепископ Феофилакт алгъышладыла:
«Багъалы эгечле къарнашла. Барынгы да бизни шыйыхланы туугъан кюнлери бла эмда бизни республикада ашхы иш, Петр бла Фувронияны сыйларына аталыб ишленнген клисагъа нюр салынганы бла алгъышлайма. Ала юлгюлю юй деги болгъандыла. Бий, Февронияна таза джюреклиги ючюн тюзлюгю ючюн ачыкълыгъы ючюн сюйгенди. Зар адамла аланы Муром шахардан къоймай кечюредиле. Ала кетгенлей шахаргъа талай къыйынлыкъла, хатала да тюшедиле. Анны бла адамла тилеб аланы ызларына къайтарадыла, андан сора шахар джангыдан джашнаб башлайды. Бу юлгю, адамла игиликни сюйгенлерине, аллай адамланы Аллах джакълагъанына шагъатлыкъ этеди. Бюгюн болгъан иш да- сюймеклик бла кертилик бизни джашауубузну айырылмазлыкъ шарты болгъанын ачыкълайды. Ол Раббийни джерде кючюдю. Энди биз да Къарачай-Черкесияны джамагъаты Петр бла Феврония шыйыхланы туудукъларыбыз», деб келтиреди Архипастырны сезлерин республиканы РИА агентствосу. Владыка клисагъа болушлукъ этгенлеге Архиерейли грамотала бериб, приходха да Московскаяы Матрона аулияны кезлери кермегенлеге этилген иконасын саугъа этди. Бу клисаны тюб биринчи ташын архиепископ Феофилакт июлну 8-де 2014-чю джыл салгъан эди. Анны къурулушу Пятигорск епархияны эмда шахарны джамагъатыны болушлугъу бла 2016-чы джыл башланнган эди.