2019 гъэм мэкъуауэгъуэм и 11-м Псыхуабэ епархием и унэм, Псыхуабэ, Черкесск щIыналъэхэм я архиепископ Феофилакт и унафэм щIэту Епархием и советым и зэIущIэ зэхэтащ. Абы ирагъэблэгъащ члисэ округхэм я благочиннэхэмрэ унафэщIхэмрэ, епархием и къудамэ щхьэхуэхэм я унафэщIхэр.
Дин щIэныгъэмрэ катехизацэмкIэ къудамэм и унафэщI щоджэн нэхъыжь Фаустов Константин къытеувыIащ епархием и лIыкIуэхэр XVII Дунейпсо Хъуромэ щIэныгъэ къеджэныгъэхэм я лэжьыгъэм кърикIуахэм. Зэхуэсым хэтащ егъэджакIуи 100-м щIигъу, епархием и щоджэнхэр. Къудамэхэм я унафэщIхэр къытеувыIащ апхуэдэ унэтIыныгъэхэм щаIэ бгъэдыхьэкIэхэм. Архиепископ Феофилакт «Древние монашеские традиции в условиях современности» пленарнэ зэIущIэм щищIа докладыр гъэщIэгъуэн ящыхъуащ.
Советым хэтхэм зэхалъхьэжащ «Хъуромэ хуабэ», «IутIыж гугъэ» псапэ Iуэхухэм кърикIуахэр. Абыхэм тепсэлъыхьащ члисэ псапэ щIэнымкIэ къудамэм и унафэщI щоджэн нэхъыжь Еланцев Сергий. Христос и Хъуромэм ирихьэлIэу зэхадза ахъшэр сабий унэхэмрэ школ интернатхэмрэ, социальнэ IуэхущIапIэхэмрэ роддомхэмрэ трагуэшащ. Волонтёр 320-м саугъэт 200-м щIигъу иратащ сабий ныкъуэдыкъуэхэм икIи цIыху 1810-м дэIэпыкъуащ. Христос и IутIыжым иужькIэ епархием и «Анэхэм папщIэ унэ» кризис центрым гуманитар дэIэпыкъуныгъэ тонн 20-м щIигъурэ ахъшэрэ зэхуахьэсащ. Ахэр хуашащ Луганск зи тхьэкIумэм фIыуэ зэхимыххэмрэ дэгухэмрэ папщIэ дэт школ-интернатым и егъэджакIуэхэм, Ирмино къалэм сабий ныкъуэдыкъуэхэм папщIэ дэт интернатым и еджакIуэхэм, Первомайскэ къалэм и Никольскэ члисэм и тхьэмахуэ школым и гъэсэнхэм. Епархием и «Анэхэм папщIэ унэ» кризис центрым и унафэщI Рубец Ларисэ тепсэлъыхьащ «Маме в помощь» центрым и гуманитар дэIэпыкъуныгъэм, 2019 гъэм мэлыжьыхьым и 1-м къызэIуахам. Епархиемрэ псапэ щIэнымкIэ Синод къудамэм и грант дэIэпыкъуныгъэмрэкIэ зэрагъэпэщыжащ складым и пэшыр, зыхуеину Iэмэпсымэхэр къащэхуащ. Мэлыжьыхьым дэIэпыкъуныгъэ хуащIащ унагъуи 188-м, ерыскъыпхъэхэу – 60, накъыгъэм фэилъхьэгъуэхэр ани 147-м хуашащ. Сабийуэ зы е тIу зыпI анэхэр мазищым зэ складым ирагъэблагъэ; щы е плIы зиIэхэр мазитIым зэ; сабиитху е нэхъыбэ зиIэхэр мазэ къэс макIуэ. МазитIым къриубыдэу Центрым псапащIэу 3 щрагъэкIуэкIащ Христос и IутIыжым, сабийхэр хъумэным и махуэм ирихьэлIэу. Iуэхум хыхьэу цIыхуи 175-м дэIэпыкъуащ.
Епархием и советым и зэIущIэм иужь дыдэу къыщаIэтащ тхьэмахуэ школхэм я гъэсэнхэмрэ чристэн щIалэгъуалэмрэ гъэмахуэм зэрызагъэпсэхунур къызэрызэрагъэпэщынум теухуа Iуэхугъуэхэр. Сабийхэмрэ ныбжьыщIэхэмрэ социальнэ IуэхущIапIэхэмрэ зэрызагъэпсэхунум къытеувыIащ ЩIалэгъуалэ
къудамэм и унафэщI щоджэн Яковенкэ Илья. Псыхуабэ епархием и члисэхэм ут 30-м щIигъу къыщызэрагъэпэщащ, сабийхэмрэ щIалэгъуалэмрэ папщIэ. Епархием и ут нэхъыщхьэ хъуащ «Зелёный Афон» зыгъэпсэхупIэр, бадзэуэгъуэм и 29-м щыщIэдзауэ шыщхьэуIум и 3 пщIондэ зэхэтынур. Зэхыхьэр сменихыу зэблэкIыу лэжьэнущ, цIыху 325-рэ зэхуишэсынущ. Бештаурскэ къулъшырыфым и Iэгъуэблагъэр зэлъэыIуахащ, зыхуеину Iэмэпсымэхэр къащэхуащ, зэхыхьэм и гъэсакIуэхэр яубзыхуащ. «Зелёный Афон» зыгъэпсэхупIэм зыхуагъэхьэзырыным пащэ.