2019 гъэм накъыгъэм и 5-м Иноземцевэ къуажэм и Иоанно-Предтечи члисэм и тхьэмахуэ школым и гъэсэнхэмрэ егъэджакIуэхэмрэ япэу ирагъэлъэгъуащ Чайковский и «Лебединое озеро» балетым къытращIыкIа IутIыж таурыхъыр.
Ар щагъэлъэгъуащ къуажэм и «Машук» ЩэнхабзэмкIэ унэм, тIысыпIэншэ имыIэжу. Спектаклым щыщIидзэм унафэщI щоджэн нэхъыжь Великородный Павел артистхэм фIыщIэ яхуищIащ. Артист ныбжьыщIэхэм макъамэмрэ къафэмрэ я дэIэпыкъуэгъуу Зигфридрэ Одеттэрэ тепсэлъыхьащ. А тIум я лъагъуныгъэр куэдым ятекIуащ.
Спектаклым илъэс ныкъуэкIэ елэжьащ. Артист 40- утыкум къихьащ, я ныбжьыр илъэсищым щыщIэдзауэ 40 хъууэ. Таурыхъым щоджэгу екIуэлIапIэм и тхьэмахуэ школым и актёр ныбжьыщIэхэр, курыт еджапIэхэм щыщ я ныбжьэгъухэр.
Режиссёр Гриценкэ Любовь тепсэлъыхьащ тхьэмахуэ школым и ныбжьыщIэхэр театрым и утыкум къызэрыщыхъуар. Илъэсибл хъу Черных Пашэ и ныбжьыр илъэс щыхъум япэу утыку ихьащ. «Гуси-Лебеди» таурхъым абы Ванечкэ и ролыр щигъэзэщIащ.
Ар екIуэлIапIэм и театрым и еханэ лэжьыгъэщ. Таурыхъыр ехъулIэныгъэ яIэу ягъэлъэгъуащ. Къафэхэр игъэуващ къэфакIуэ Бондаренкэ Зинаидэ. Спектаклым зыщыхуагъэхьэзырым ядэIэпыкъуащ адэ-анэхэмрэ егъэджакIуэхэмрэ, фэилъхьэгъуэхэмрэ декорацэхэмрэ ягъэхьэзырыжу