2019 гъэм мэлыжьыхьым и 6-м, Тхьэм и Анэм и Благовещения махуэшхуэм и пэ къихуэу, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Старопавловскэ станицэм и Никольскэ члисэм. Щоджэным къулыкъур драгъэкIуэкIащ Новопавловскэ члисэ округым и екIуэлIапIэхэм я благочиннэ щоджэн Цапко Владислав, члисэм и унафэщI щоджэн Вологин Александр, къардэн Копач Пётр.
ХъыбарыфIхэр зэрыт тхылъ лъапIэм итхэм къеджа нэужь, Пастыр нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым Щихънагъым зыхигъэгъуэзащ станицэм щаухуэ члисэщIэм и проектым, екIуэлIапIэм кIуэхэмрэ къэзакъхэмрэ епсэлъащ.
. А махуэ дыдэм, Псыхуабэ и Спасскэ кафедральнэ члисэ зэхуэхьэсам архиепископ Феофилакт япэ къардэн Мовчанов Андрей и пхъур умэхъын щIыным и щэхухэр иригъэкIуэкIащ. Щихънагъыр адэ-анэхэм ехъуэхъуащ, абыхэм я благъэхэм, гъунэгъухэм щIыгъуу, узыншагъэ яIэну, умэхъын ящIа Екатеринэ гъащIэ кIыхь хъуну захуигъэзащ.
А махуэм и пщыхьэщхьэм Пастыр нэхъыщхьэм Тхьэм и Анэм и Благовещения махуэшхуэр щригъэкIуэкIащ Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. Щихънагъым къулыкъур иригъэкIуэкIащ, махуэшхуэ Инджылым къеджащ, фIэщхъуныгъэ зиIэхэм гъэнэхуа дагъэм щыщ ящихуащ.