Быйыл апрель айны 1-де чыпчыкъланы Халкълаарасы кюнюн белгиледиле. Ол кюн 1906-чы джыл чыпчыкъланы сакълагъан Конвенциягъа къол салыннганды. 1924 джылдан бери чыпчыкъланы кюню бизни къралда белгиленеди. Бу байрамны кюнюн бошуна сайламагъандыла: ол кезюуде джылы джерледен чыпчыкъла ызларына учуб келедиле. Черкесскеде Свято-Сергий гимназияны сохталары да ол кюнню белгиледиле. «Джыпчыкъланы Кюнюне» биринчи классны сохталары дерсге, кеслерини класс негерлерине чыпчыкъла бла байламлы элберле хазырлагъандыла. Аланы джуабларын айта, сабийле къайсы чыпчыкъла учадыла джылы джерлеге къайсыла къышха къаладыла, аны билдиле. Аны тышында да сохтала , бизни регионда джашагъан чыпчыкъланы ауазларына тынгыладыла, « Бу не чыпчыкъды?» деген викторинада да ойнадыла, къагъытдан чыпчыкъчла этерге да кюрешдиле.
Ючюнчю классны сохталары бу байрам къайдан келгшенинден хапарлы болдула, тюрлю-тюрлю чыпчыкъланы ауазларына да тынгыладыла. Аладан къайсы-къайсыныкъы болгъанын билирге да кюрешдиле. Андан сора да сабийле Къызыл китабха тюшген чыпчыкъланы юслеринден докладла да этдиле. Дерсни аягъында дунияда болмагъан чыпчыкъланы суратларын да салдыла.
Тертюнчю классны сохталары дунияда эм ариу чыпчыкъланы юсюнден киногъа къарадыла, кеслерини къоллары бла кабинетни джкасаргъа чыпчыкъланы тюрсюнлерин да ишледиле, андан сора паркга чыгъыб , къанатлылагъа аш бериге иелери келгинчи чыпчыкъ орунланы хазырлыкъларына да къарадыла. Ма алай сейирлик халда башланды Черкесскени гиназиячыларыны ахыр окъуу четвертлери.