2019 гъэм гъатхэпэм и 23-м, Беслъэн къалэм, Тэрч къэзакъ зэгухьэныгъэм и лIыкIуэхэу КИФЩI-м и щIыналъэ зэмылIэужьыгуъэхэм щыщхэр щызэхуэсащ 1920 гъэм и гъатхэпэ-мэлыжьыхь мазэхэм яукIахэр тхьэлъэIукIэ ягу къагъэкIыжыну.
1920 гъэм гъатхэпэм и 27-м Аки-Юртовскэ, Тарскэ, Сунженскэ станицэхэм щыпсэу тэрч къэзакъхэр я щIыналъэм ирахуащ большевист гупым. Къэзакъхэм Далаковэ гъущIгъуэгу зэхэкIыпIэмкIэ яунэтIащ, иджы Беслъэн къалэм. Беслъэн хуэкIуэ гъуэгур «лIэныгъэм и гъуэгуанэ» хъуащ. Иджырейхэм зэрыжаIэмкIэ, Беслъэн хуэкIуэ гъуэгум зы къэмынэу яукIахэм я хьэдэхэр телът. Далаковэ станцым щиухакъым ирагъэIэпхъукIахэм ирагъэшэча бэлыхьыр. Вагонхэр къазэремэщIэкIым къыхэкIыу цIыху мин бжыгъэхэр щаукIащ станицэм пэмыжыжьэу. Тэрч къэзакъхэр 1920 гъэм гъатхэ пщIондэ яукIащ. Гъатхэпэ-мэлыжьыхь мазэхэм яукIахэм я бжыгъэр къахутакъым. 2001 гъэм а гузэвэгъуэм курганыр щагъэуващ, жорыр щIыгъуу. Абдеж фэеплъи щагъэуващ. Тэрч къэзакъхэм абдеж гъэ къэс тхьэлъэIу щрагъэкIуэкI.
Къэзакъ зэгухьэныгъэхэр Эльхотовэ щызэхуэсащ Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и фэеплъым деж. Къэзакъхэр «МелыIычхэм я къалэм» кIуащ. Тэрч къэзакъхэм тхьэлъэIукIэ ягу къагъэкIыжащ Беслъэн школым къыщыхъуа гузэвэгъуэм хэкIуэдахэр икIи фэеплъым удз гъэгъахэр тралъхьащ. Къэзакъхэр Тхьэ елъэIуащ лажьэншэу яукIа я нэхъыжьхэм я псэр зэгъэн папщIэ.
Зэхыхьэм хэтащ Котляревскэ станицэм и члисэ урядым и къэзакъ ныбжьыщIэхэм Покров члисэм и унафэщI щоджэн Арманов Николай я пашэу.