2019 гъэм гъатхэпэм и 17-м, Чристэныгъэм и махуэ лъапIэм, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щихънагъым члисэ зэхуэхьэсам тхьэлъэIур щригъэкIуэкIащ. Щоджэн нэхъыщхьэм члисэ зэхуэхьэсам и щоджэнхэм къулыкъур драгъэкIуэкIащ. Пастыр нэхъыщхьэм и гъусэу тхьэлъэIум хэтыну къызэхуэсащ Псыхуабэ щыпсэухэмрэ зыгъэпсэхупIэм и хьэщIэхэмрэ.
ТхьэлъэIу лиутргием хыхьэу, ХъыбарыфIхэр зэрыт тхылъ лъапIэм итхэм щыщ къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт Псыхуабэ Михайловскэ члисэ зэхуэхьэсам и къардэн Паскевич Андрей пресвитор къулыкъур щыхуигъэфэщащ. Литургие нэужьым Пастыр нэхъыщхьэм Чристэныгъэм и гуфIэгъуэ махуэшхуэм ехьэлIа къулыкъур иригъэкIуэкIащ.
ИужькIэ щIалэгъуалэ центрым, Спасскэ кафедральнэ члисэ зэхуэхьэсам хэтым, къыщызэIуахащ епархием и япэ тхылъ гъэлъэгъуэныгъэр, чристэн тхылъым и махуэм теухуар. Ар къыщызэIуихым, архиепископ Феофилакт жиIащ: «Иужьрей илъэсхэм, Члисэр зэхэзехуэн щащIам, Члисэм Iэмал иIэ хъуащ ХъыбарыфIхэр зэрыт тхылъ лъапIэхэмрэ тхьэлъэIу тхылъхэмрэ къыдагъэкIыну, щихъхэм я гъащIэмрэ я Iуэху бгъэдыхьэкIэхэмрэ щIыгъуу.
ЩIалэгъуалэ центрым утыку къыщрахьа къыдэкIыгъуэхэм я фIагъыр къилъытащ Урыс Чристэн Члисэм и Тхылъ тедзапIэ советым икIи тхылъеджэхэм зыIэрагъэхьэфынущ. Абы художественнэ литературэхэр, тхьэлъэIу тхылъхэр, махуэгъэпсхэр, сабийхэм яхуэгъэза тхылъ зэмылIэужьыгъуэхэр къызэщIеубыдэ.
Гъэлъэгъуэныгъэм екIуэлIа дэтхэнэми иратащ Щихънагъым къыбгъэдэкI тхылъ. Тхылъ гъэлъэгъуэныгъэр хабзэ хъуауэ къызэрагъэпэщ. КъыкIэлъыкIуэр тхьэмахуэ Нэхум ирагъэхьэлIэнущ, - Христос и IутIыжым къыкIэлъыкIуэ тхьэмахуэм.