2019 гъэм щIышылэм и 19-м, Тхьэмрэ КъегъэлакIуэ Христос Иисусрэ умэхъын щащIа махуэшхуэм, Кисловодск къалэ-зыгъэпсэхупIэм и Никольскэ члисэ зэхуэхьэсам махуэшхуэ тхьэлъэIухэр щрагъэкIуэкIащ. ТхьэлъэIу литургие нэужьым къалэпсо зэгъусэ тхьэлъэIу Йорданым щекIуэкIащ. ФIэщхъуныгъэ зиIэхэр уэзджынэ макъым щIэту махуэшхуэ уэрэдхэр жаIэу члисэ зэхуэхьэсам къыщыщIэдзауэ Никольскэ псынащхьэм нэс кIуащ зыгъэпсэхупIэ паркым. Псыежэхыр гъэнэхун къулыкъур иригъэкIуэкIащ Кисловодск члисэ округым и екIуэлIапIэхэм я благочиннэ, Никольскэ члисэ зэхуэхьэсам и унафэщI щоджэн нэхъыжь Знаменский Иоанн, къалэм и члисэхэм я щоджэнхэм я гъусэу. Зэгъусэ тхьэлъэIухэм хэтащ зыгъэпсэхупIэм щыпсэухэмрэ абы и хьэщIэхэмрэ, Чристэн гимназием и еджакIуэхэр, къалэм и къэзакъ зэгухьэныгъэм и къэзакъхэр.
ТхьэлъэIу нэужьым благочиннэр ехъуэхъуащ Иисус Христос умэхъын щащIа махуэшхуэмкIэ. Къызэхуэсахэм псы лъапIэм щыщ ялъигъэIэсри, абы ягу къигъэкIыжащ махуэшхуэм и тхыдэр икIи къыхуриджащ Агиасмэ Иным хуэсакъыну – гъэнэхуа псы лъапIэм, фIэщхъуныгъэ зиIэхэм я псэхэр гъэнэхуным ехьэлIауэ къару зиIэм.
Члисэм Тхьэ елъэIуну, гъэнэхуа псым щыщ къащтэну къэкIуа буклетхэр иратащ, махуэшхуэм и тхыдэр, Псы гъэнэхуам теухуа тхыгъэ тету. «Святыни земли родной» члисэ-тхыдэ музейм Богоявления махуэшхуэм теухуа фильм къыщагъэлъэгъуащ.
А махуэ дыдэм, Рахманинов Сергей и цIэр зезыхьэ сабий музыкэ школым и кIэм нигъэсащ сабий творчествэмкIэ «Рождественская звезда» Хъуром фестивалыр. Ар къызэригъэпэщащ Ставрополь крайм и думэм и депутат Торосян Аркадий. Фестивалым хэтащ Кавминводы и курыт еджапIэхэмрэ еджапIэ гуэдзэнхэмрэ щыщ ныбжьыщIэ 740-рэ. Зэпеуэм хэтхэр унэтIыныгъэ зэмылIэужьыгъуэхэм я зэфIэкI щеплъыжащ. Апхуэдэхэщ къафэр, уэрэд жыIэныр, театр гъуазджэр, сурэтыщI гъуазджэр, декоративно-прикладной гъуазджэр.
Фестивалым и хьэщIэ лъапIэ хъуащ Ставрополь крайм и Думэм и депутатхэр, Кисловодск къалэ-зыгъэпсэхупIэм и гъэзэщIакIуэ, унафэ къыдэзыгъэкI властхэм я унафэщIхэр, жылагъуэ лэжьакIуэхэр.
Фестивалым хэтхэм фIэхъускIэ захуигъэзащ абы и къызэгъэпэщакIуэ Торосян Аркадий, Ставрополь крайм туризмымрэ, узыншагъэр щрагъэфIакIуэ и зыгъэпсэхупIэхэмкIэ и министр Трухачёв Александр, Кисловодск администрацэм егъэджэныгъэмкIэ и Управленэм и унафэщI Бутин Юрий, Кисловодск округым и благочиннэ щоджэн нэхъыжь Знаменский Иоанн. Ар къызэхуэсахэм ехъуэхъуащ Крещения махуэшхуэмкIэ, Христос и Хъуромэм яхутепсэлъыхьащ, КъегъэлакIуэр дунейм къызэрытехьам и хъыбарыр дуней псом щызэбгрезыгъэха вагъуэр. Абы жиIащ фестивалыр зэпымыууэ ирагъэкIуэкIыну зэригуапэр.
КIэух концертым хэтащ Чристэн Свято-Никольскэ классическэ гимназием и хор Игнатенкэ Еленэ зи унафэщIыр. Украиныбзэрэ инджылызыбзэкIэ Леонтович М. къигъэщIэрэщIэжа «Щедрик» колядкэр зэрыжиIам папщIэ гимназием и хорым дыщэ медалрэ ЩIыхь тхылъым и япэ нагъыщэмрэ хуагъэфэщащ. Гимназием и гъэсэнхэми япэ увыпIэхэр къахьащ икIи сурэт щIынымкIэ зэпеуэм зэрыхэтам папщIэ медаль къыхуагъэфэщащ, «Хъуромэ вагъуэ» фестивалым хыхьэу.