2018 гъэм щIышылэм и 4-м, щихъ, Тхьэм папщIэ бэлыхь куэд зрагъэшэча, гуэныхьхэр зыIуэтэжа Узорешительницэ Анастасие и фэеплъ махуэм, тезыр зытралъхьахэм папщIэ Урыс Чристэн Члисэр Тхьэм щелъэIум деж, Псыхуабэ, Черкесск епархиехэм я архиепископ Феофилакт тхьэлъэIу литургие щригъэкIуэкIащ Тхьэм папщIэ бэлыхь куэд зрагъэшэча Анастасие и цIэр зезыхьэу члисэ Псыхуабэ къалэм и Следственнэ изолятор №2-м. Щоджэн нэхъыщхьэм къулыкъур драгъэкIуэкIащ IэщэкIэ зэщIэузэда къарухэм, хабзэхъумэ IуэхущIапIэхэм, пеницентиарнэ IуэхущIапIэхэм ядэлэжьэнымкIэ къудамэм и унафэщI щоджэн нэхъыжь Сорокин Константинрэ щоджэн Чирков Сергийрэ, СИЗО-м щыIэхэмкIэ жэуаплыныгъэ зыхьхэр. Литургием хыхьэу Тхьэ щелъэIуащ щоджэн нэхъыжь Роткин Анатолий, IуэхущIапIэм илъэс зыбжанэкIэ зи нэIэ тезыгъэтар.
Щихънагъым фIэщхъуныгъэ зиIэхэм захуигъэзащ фIэщхъуныгъэм и быдагъэм теухуа узэщIыныгъэкIэ. «ФIэщхъуныгъэ зиIэ цIыхур щIыунэми щыщхьэхуитщ, арыншауэ ар щыщхьэхуитми гуэныхьым елъахъэ», - жиIащ архиепископ Феофилакт.
ИужькIэ пастыр нэхъыщхьэр щыIащ балигъ мыхъуа тезыр зрагъэпшынхэм я деж, ИлъэсыщIэмкIэ ехъуэхъуащ, къэблагъэ Хъуромэр щIыгъуу, саугъэтхэр яритащ.