2018 гъэм дыгъэгъазэм и 20-м ЩIалэгъуалэ центрым щекIуэкIащ щоджэнхэмрэ Псыхуабэ, Черкесск епархием и мамыр цIыхухэмрэ я зэIущIэ гъэ къэс къызэрагъэпэщым и чэзур. Зэхуэсым и пэ къихуэу Епархием и Советым 2018 гъэм и иужьрей зэIущIэм щиубзыхуащ регламентымрэ зэIущIэм къыщаIэтыну темэхэмрэ. Абы щытепсэлъыхьыну къагъэлъэгъуащ Епархием и советым кърикIуа лэжьыгъэхэм абы и секретарь щоджэн нэхъыжь Знаменский Иоанн къытеувыIэну. Апхуэдэу Псыхуабэ, Черкесск щIыналъэхэм я архиепископ Феофилакт и доклад нэхъыщхьэр, иджыблагъэ къызэIуаха иконопис мастерскойм и презентацэр щIыгъуу.
Зэхуэсым и лэжьыгъэр ирагъэжьэным и пэ къихуэу зэхуэсым хэтхэм жаIащ 2018 гъэм дунейм ехыжа Кулевич Алескандррэ игумение Антониерэ (Бобылевэ) зэи ящымыгъупщэжыну. Щоджэн нэхъыжь Знаменский Иоанн псоми я лэжьыгъэм къытеувыIащ, епархием и советым и нэIэм щIэт къудамэхэм, комиссэхэм, къулыкъущIапIэхэм. Советым и социальнэ унэтIыныгъэр, епархиер члисэ-жылагъуэ Iуэхугъуэхэм жыджэру зэрыхэтыр къагъэлъэгъуащ.
Псыхуабэ, Черкесск щIыналъэхэм я архиепископ Феофилакт и докладым нэхъыщхьэу къыщигъэлъэгъуащ щоджэнхэм я духовнэ гъащIэр. Инджылыр я тегъэщIапIэу, Щоджэн нэхъыщхьэм ягу къигъэкIыжащ щоджэнхэм я къулыкъум и лъагагъымрэ и къабзагъымрэ, тхьэлъэIухэр зытеухуам, нэщIым, гуэныхьхэр Iуэтэжыным, ахэр пшыныжыным хэплъащ. «ТхьэлъэIуншэу цIыхухэр гуапагъэм хуэдгъэушыфынукъым», - жиIащ Пастыр нэхъыщхьэм.
Псом хуэмыдэу щихънагъ нэхъыщхьэм Урыс Члисэм Тхьэм папщIэ бэлыхь куэд зрагъэшэчахэмрэ гуэныхьхэр зыIуэтэжахэмрэ я гъащIэм зыхагъэгъуэзэну къыхуриджащ псори. «Абыхэм я лIыгъэм уригушхуэн къудей щхьэкIэкъым ар, атIэ абыхэм щапхъэ тепхын папщIэщ», - жиIащ архиепископ Феофилакт. Зэхуэсым хэтхэм я упщIэхэм жэуап щаритым, Пастыр нэхъыщхьэр щоджэнхэм я гъусэу екIуэлIапIэм и нэгъуэщI Iуэху зэIумыбзхэми тепсэлъыхьащ.
ИужькIэ къызэхуэсахэм я пащхьэм къыщыпсэлъащ епархием аргуэру къыщызэIуаха иконопис мастерскойм и унафэщI Маршалкинэ Мария. 2018 гъэм абы Москва и Духовнэ Академием и иконопис школымрэ Семинариемрэ къиухащ. Мария зэхуэсым хэтхэм я пащхьэм щигъэлъэгъуащ и лэжьыгъэхэр икIи ар къытеувыIащ мастерскойм и Iуэхухэр зэраухуэнум. Зэхуэсыр зэхуащIыжащ Щоджэн нэхъыщхьэм щоджэнхэмрэ мамыр цIыхухэмрэ фIыщIэ тхылъхэр яриту,
Псыхуабэ епархием и Члисэ гъащIэм и унэтIыныгъэ зэмылIэужьыгуъэхэм зэрыхэлэжьыхьам папщIэ.