Быйыл декабрь айны 18-де Николай Чудотворец шыйыхны эсгериу кюн, Пятигорске бла Черкесскени архиепископу Феофилакт, Черкесскени Никольский клисасында кечеги дин къуллукъгъа башчылыкъ этди. Архиерейге дин къуллукъ болушлукъну, Къарачай-Черкесияда Шимал клиса округну приходларыны джуаблы динчисини протоирей Нартов Александрны тамадалыгъы бла эмда протодиакон Куба Димитрий бла округну православ динчилери этдиле. Владыка бла бирге табын этерге клисаны джамагъаты бла баталпашачы-къазакъла да келген эдиле. Архипастырь лития дуагъа башчылыкъ этиб Сыйлы Инджилни окъуб, православ джамагъатха да сыйлы елей джаудан да джакъды. Дин къуллукъдан сора Владыка джыйылгъанлагъа ауаз бериб, тюбеб ушакъ да этди. Быйыл декабрны 19-да байрамны кюнюнде архиепископ Феофилакт , Нарсананы Никольский клисасында Дин къуллукъ бардырды. Ол кюн бу клисаны джамагъаты юыч юбелйин белгилегенди, ала: Нарсанада биринчи Никольский клисагъа 130 джыл толады, 25 джыл да клисаны джангыдан джарашдырыб тебрегенлерине эмда джаеннгыдан джарашдырылгъан Нарсанда Никольский клисагъа православ адетдеча нюр салыннганына 10 джыл толгъаны. Архиерейге дин къуллукъ болушлукъну, округну джуаблы православ динчиси протоирей Знаменский Иоанн бла шахарны пиходларыны динчилери этдиле. Архипастырь бла бирге, шахарны башчысы Курбатов Александр, Православ-Свято-Никольский гимназияны сохталары эмда курорт-шахарны джамагъаты бла къонакълары да табын этдиле. Гимназияны хору литургияда джырлады. Дин къуллукъдан эмда къачлы джюрюшден сора Владыка, шыйыхх махтау салыб джыйылгъан православ джамагъатха да ауаз берди. Бу къуанчны ишчиле бла клисаны джамагъатындан адамлагъа саугъала бериу бла тамамладыла.