2018 гъэм дыгъэгъазэм и 12-м, щихъ апостол Первозванный Андрей и фэеплъ махуэм и пэ къихуэу, Ставропольскрэ Невинномыскрэ я митрополит Кирилл Ставрополь и Владимир члисэ зэхуэхьэсам тхьэлъэIу щригъэкIуэкIащ. Митрополит Кирилл къулыкъур драгъэкIуэкIащ Элистинскрэ Калмыцкрэ я архиепископ Юстиниан, Псыхуабэ, Черкесск щIыналъэхэм я архиепископ Феофилакт, Георгиевскрэ Прасковейскрэ я епископ Гедеон, Шахтинскрэ Миллеровскрэ я епископ Симон, Ставрополь митрополием и щоджэнхэр.
2018 гъэм дыгъэгъазэм и 13-м, щихъ апостол Первозванный Андрей и фэеплъ махуэм, Ставропольскрэ Невинномыскрэ я митрополит Кирилл щихъ, апостол пэлъытэ Владимир и цIэр зезыхьэ Ставрополь къалэм дэт члисэ зэхуэхьэсар игъэнэхуащ икIи тхьэлъэIу щригъэкIуэкIащ.
Митрополит Кирилл а фэеплъ махуэм къулыкъур дригъэкIуэкIащ Калмыцкрэ Элистинскрэ я архиепископ Юстиниан, Псыхуабэ, Черкесск щIыналъэхэм я архиепископ Феофилакт, Орехово-Зуевск и епископ Пантелеимон, Георгиевскрэ Прасковейскрэ я епископ Гедеон, Армавирскрэ Лабинскрэ я епископ Игнатий, Шахтинскрэ Миллеровскрэ я епископ Симон, Ставропольрэ гъунэгъу епархиехэмрэ я щоджэнхэр.
Пастыр нэхъыщхьэхэм къулыкъур драгъэкIуэкIыну къызэхуэсащ щIыналъэм и правительствэм и лIыкIуэхэр, Ставрополь и VI Урыс ЦIыхубэ Члисэ зэхуэхьэса Дунейпсо Зэхуэсым хэтхэр, къалэм и еджапIэ нэхъыщхьэхэм я ректорхэр, Ставрополь епархием и лэжьакIуэхэр, «ЮгСтройИнвест» компанием и унафэщI Иванов Юрий я пашэу.
ТхьэлъэIу нэужьым абы хэтхэр щыIащ «Си Урысей – си тхыдэ» музей комплексым. Пастыр нэхъыщхьэхэр, музейм и пэшхэм ящыщ зым здыщIэтым абы кърихьэлIахэм епсэлъащ икIи щIалэгъуалэр зыщIэупщIахэм жэуап иратащ. ХьэщIэхэм музейм щагъэлъагъуэхэм зыхагъэгъуэзащ.