Псыхуабэ, Черкесск епархием щызэхуащIыжащ регентхэмрэ КИФЩI-м и члисэ хорхэмрэ я «Молодежь в системе духовного музыкального образования. Традиции и перспективы» III щIэныгъэ-практикэ конференцэр. Абы хэтащ щоджэнхэр, члисэ хорхэр, творческэ IэщIагъэ зиIэхэр, члисэ уэрэдхэр фIыуэзылъагъухэр.
Махуищым къриубыдэу Урысей Ипщэм и епархищым щыщ цIыхуищэм щIигъу щыIащ урыс члисэ уэрэдхэр жыIэнымкIэ Патриаршэ советым хэт, Москва и Чристэн регент курсхэр къызэзыгъэпэща икIи абы и унафэщI, Москва и Тхьэнапищ Кулишкэ щыIэм и регент, «Содействие» Чристэн гуманитар институтым и регент къудамэм и унафэщI Кустовский Евгений и дерсхэм.
ДирижёрымкIэ, уставымрэ тхьэлъэIу практикэмкIэ егъэджакIуэ Евгений къыхигъэщащ Псыхуабэ епархием и регентхэм фIыуэ зэрызагъэхьэзырар, члисэ уэрэдхэр жыIэнымкIэ мастер-классхэр зэратар. 2018 гъэм щэкIуэгъуэм и 15-м Минводы къалэм Ставрополь крайм Сафоновым и цIэр зезыхьэ и щIыналъэ музыкэ колледжым щызэхалъхьэжащ щIэныгъэ-практикэ конференцэм кърикIуахэр. А еджапIэм илъэс зыбжанэ хъуауэ къыщIегъэкI епархием и екIуэлIапIэхэм я регентхэр. Пленарнэ зэIущIэм и пэ къихуэу къалэм и Благовещенскэ члисэм тхьэлъэIу литургие щрагъэкIуэкIащ. Иужьым концерт ирагъэкIуэкIащ еджапIэм и гъэсэнхэм. Духовнэ, совет лэжьыгъэхэр хорымрэ симфоние оркестрымрэ ягъэзэщIащ.