Быйыл октябрь айны 30-да Китийскийни епископу Четверодневный Лазарь шыйыхны сюеклери кечюрюлген кюн, Пятигорске бла Черкесскени архиепископу Феофилакт, Пятигорскени Лазаревский клисасында байрамгъа башчылыкъ этди. Архиерейге дин къуллукъ болушлукъну Пятигорск клиса округну джуаблы динчиси протоирей Дубинский Борисни тамадалыгъы бла шахарны клисаларыны динчилери этдиле. Архипастырь бла бирге табын этерге шахарчыла бла конакълары да клген эдиле. Сыйлы Инджилни окъугъандан сора Владыка джыйылгъан джамагъатха ауаз берди. Литургиядан сора адетдеча къачлы джюрюш этдиле.
***
Пятигорскеде биринчи къабырлада клисаны къурулушу 1840-чы джылланы аягъында башланнганды.1826-чы джыл огъунакъ Бернадацци къарнашла шахарны ъыйырында
къабырлагъа джуукъ джерни сайлаб ишленник клисаны проектин джарашдыргъан эдиле. 1828- чи джыл архимандрит Товия ишлениб башланнган клисагъа дуа этген эди. Аны биринчи тюб ташын Кавказ джанында тамадалыкъ этген генерал Еммануель кеси салгъанды. Шыйых Лазарьны сыйына аталыб ташдын клисаны 1847-чи джыл ишлкеб башлаб 1856-чы джыл бошагъандыла. Джер джумушакъ болгъаны амалтын аны къабыргъалары джарылыб башлагъан эдиле аны амалтын 1884-чю джыл аны чачаоргъа керек болгъандыла. Джангыз аны тюбюнде елюкле асыралгъан кешенеле къалгъандыла. Ол себебден хар ким джыйыгъан ачхагъа джангы клиса ишлер оноу этгендиле. 1895-чи джыл клисаны фундаменти салыннганды. Анга матекриалгъа эски клисадан къалгъан машукъ ташны хайырландыргъандыла, кирпични суаблыкъгъа деб шахарны кирпич заводлары бергендиле. Складлары болгъанла да агъач чот бла баджаргъандыла. Владикавказ бла Моздокну епископу Владимир 1903-чю джыл клисагъа нюр салгъан адетни этгенди. 2000-чи джыл майны 6-да клисада Кавказ бла Черноморскени епископу Брянчанинов Игнатий шыйыхны сыйына атаб джангы приделге нюр салгъан адетни этгендиле.