Быйыл октябрь айны 7-де Пятигорске бла Черкесскени архиепископу Феофилакт, Къарачай- Черкесияда Преградна стансени Кмрилломефодий клисасында Дин къуллукъ бардырды. Анга дин къуллукъ болушлукъну республикада Къыбла клиса округну пиходларыны джуаблы динчиси протоирей Субтельный Евгений бла клисаны тамадасы иерей Соловьев Антоний эмда протодиакон Куба Димитрий этдиле. Лиургияда Уруп районну админичтрациясыны келечилкери, стансечиле , Уруп район къазакъ джамагъатны къазакълары, тегерекде шахарла бла станселеден келгенле да тилекле этдиле. Сыйлы Инджилни окъугъандан сора Владыка православ джамагъатха былай ауаз берди:» Бюгюн биз Инджилден окъугъаныбыз, сейирлик чабакъ тутханны эштдик. Масихни сезюне ышаныб Петр чабакъчы тенглери бла бирге, кечеден джукъ да туталмай арыб, къайыкъларын чабакъдан толтурадыла! Аллахха ийнанмакълыкъ сизни бир джерде да къуру этерик тюлдю! Ол ийнанмакълыкъны саугъасы уа бизни болумлу джашауубузду! Аллахны сезюне ийнаннган, керти да сюе да , кече да, къыйынлыкълагъа да къарамай игиликге ышана биледи! Сизни бла бирге , чабакъ ауларыбыз къуру болмасын, бизге ашхы ишлерибизни хайырын келтирсин деб тилек этеме!»-деб айтды Архипастырь. Дин къуллукъдан сора Владыка клисада эьтилген ремонтха эмда арбазны джарашдырылгъанына къарады. Архиепископ бла тюбешиуню бары да бирден картха тюшюу бла тамамладыла.