Нарсанада Свято-Никольский гимназияда, Краснодарда Православ школну къурагъан бла аны динчиси, Рождества Христова клисаны тамадасы протоирей Игнатов Александр къонакъда болду. Александр бабас, окъуу процесс бла ариу халигге юретиу ишле бла шагърей болуб Нарсана гимназияны сохталары бла тюбешдиле. Ол бюгюн тамадалыкъ этген школуну юсюнден джарыкъ хапар айтыб эмда аллыбызда этиллик ишлеринден да белдирди. Православ динчи ол болушлукъ этген школну юсюнден вдеоролик да кергюздю. Гимназиячыла Александр бабасха талай соруу да бердиле. Абадан классланы сохталарына православ динчи былай айтды, Масихни динин керти тутханладан , анга кертиледен болугъуз деди. Андан сора да школ шохлукъну, тенгликни атмагъыз деб теджеди. Православ Свято-Никольский гимназияны директору протоирей Знаменский Иоанн, келген къонакъгъа разылыгъын билдириб, Николай Чудотворец шыйыхны скульптура халда этилген иконасын саугъа этди. Школну директору, Орус Православ школну устазлары бла сохталарын ортада иги шохлукъ джюрютюрча къачхы каникуллада къонакъгъа чакъырды.