2018 гъэм шыщхьэуIум и 25-м Псыхуабэ, Черкесск щIыналъэхэм я архиепископ Феофилакт Успенскэ Второафонскэ Бештаурскэ цIыхухъу къулъшырыфым щыIэ и къуэшхэм, епархием и щоджэнхэм, щIыналъэ лъапIэм Тхьэ елъэIуну кIуахэм я гъусэу Кавказым и Минводы и бгы нэхъ ин дыдэхэм ящыщ зым дэкIуеящ – Бештау бгым. ТхьэлъэIу литургием етхуанэу щоджэн нэхъыщхьэм и гъусэу щызэхуэсащ щIыналъэ лъапIэм Тхьэ елъэIуну кIуа цIыху 400. Абыхэм я нэхъыщIэ дыдэр илъэсрэ ныкъуэрэ, нэхъыжьыр – илъэс 83-рэ хъурт. Птицынэ Лидэ Бештау ещанэу дэкIащ.
ЗекIуэр тхьэлъэIукIэ ирагъэжьащ Бештаурскэ къулъшырыфым деж. Литургие нэужьым, Христос и щэхухэм зыщыхагъэгъуэзам цIыху 300-м щIигъум, щIыналъэ лъапIэм икIыу Тхьэ елъэIуну кIуахэм къулъшырыф шей иратащ. Щихънагъыр къыщехыжым псоми фIэщхъуныгъэ зиIэхэм узэщIыныгъэкIэзахуигъэзащ. Къехыжа нэужь гупыж зыщIа псоми шэджэгъуашхэ ирагъэщIащ. Бештау бгым тхьэлъэIу литургие щрагъэкIуэкIыныр – Второафонскэ къулъшырыфым и монаххэм я хабзэщ, архиепископ Феофилакт
къигъэщIэрэщIэжар. Литургиемрэ бгым дэкIынымрэ къулъшырыфым и пащтыхь шэнтиуэ махуeшхуэм ирихьэлIэу ирагъэкIуэкI. «Ди зекIуэр Тхьэм и Анэ Къабзащэм щIыхь худощI», - жиIащ щихънагъым Бештау бгым деж псоми узэщIыныгъэкIэ защыхуигъазэм.