2018 гъэм гъатхэпэм и19-м пщыхьэщхьэм Псыхуабэ, Черкесск щIыналъэхэм я щихънагъ нэхъыщхьэ Феофилакт Афон Бгы ЛъапIэм кIуащ. Щихънагъым и гъусащ епархием и Административнэ секретариатым и унафэщI щоджэн Яковенкэ Илиярэ Успенскэ Второафонскэ цIыхухъу къулъшырыфым и благочиннэ иеромонах Елевферийрэ (Казаков).
Ватопед къулъшырыфым зэрыкIуэу щIыналъэ лъапIэм Тхьэ елъэIуну кIуахэр IущIащ къулъшырыфым и архимандрит Ефрем. Ар хьэщIэхэм яIущIащ, псалъэ гуапэхэр яжриIащ, чэнджэщхэр иритащ. Пастыр нэхъыщхьэм Ефрем фIыщIэ хуищIащ Бештаурскэ Второафонскэ къулъшырыфым и щоджэнхэм. ЩIыналъэ лъапIэм Тхьэ елъэIуну кIуахэр пщыхьэщхьэ тхьэлъэIумрэ щихъ Критский Андрей и канонымрэ къеджэну кIуащ. ИужькIэ щихънагъым иригъэкIуэкIащ литургиер. Абы щIыналъэ лъапIэм кIуахэмрэ къулъшырыфым щыIэхэмрэ зыщыхагъэгъэузащ, унафэщIым щIыгъуу.
ТхьэлъэIу нэужьым щIыналъэ лъапIэм Тхьэ елъэIуну кIуахэр Пантелеимонов урыс къулъшырыфым кIуащ. Абы щыкIуэм ахэр Ксилург скитым щыIащ. Ахэр Тхьэ щелъэIуащ апостол пэлъытэхэу Кириллрэ Мефодийрэ я цIэр зезыхьэ члисэм, иеромонах Кирион епсэлъащ. Ксилургыр – Афоным и мызакъуэу дуней псом и урыс чристэн къулъшырыфщ. Абы урыс лъабжьэ зэриIэр къыбжеIэ «Древодел» фIэщыгъэм. Урысхэм я закъуэт я псэупIэхэр, члисэхэр, къулъшырыфхэр пхъэкIэ зыухуэр. Алыджхэм мывэм къыхащIыкIырт.
Хъыбархэм къызэрыхэщыжымкIэ, Ксилургу Свято-Успенскэ къулъшырыфыр Афон къыщыунэхуащ апостол пэлъытэ джыназ Владимиррэ и щхьэгъусэ Аннэрэ я нэIэм щIэту, Урысейм чристэн диныр къыщащта нэужь. Джыназ Владимир Иерусалим лIыкIуэхэр игъэкIуащ. Иерусалимым пэмыжыжьэу Афон Бгы ЛъапIэм мыгувэу къулъшырыфитI къыщыунэхуащ, я фIэщыгъэхэри зэхуэдэу: Урыс Богородичнэ къулъшырыф. Урыс къулъшырыфыр илъэсищэ дэкIа нэужь Град ЛъапIэм щыкъутэжащ, Афон Бгы ЛъапIэм щаухуар нобэр къыздэсым щыIэщ. Псыхуабэ икIа хьэщIэхэр Иверон къулъшырыфым кIуащ. Ахэр тхьэ щелъэIуащ Тхьэм и Анэм и Иверскэ тхьэнапэм деж. Пщыхьэщхьэм ахэр урыс Пантелеимонов къулъшырыфым кIуащ икIи пщыхьэщхьэ тхьэлъэIум хэтащ. Щихънагъ Феофилакт абдеж литургие щригъэкIуэкIащ. Абы хыхьэу Щихънагъ
нэхъыщхьэм къулыкъур драгъэкIуэкIащ Псыхуабэ епархием и лIыкIуэхэм. ТхьэлъэIу нэужьым щIыналъэ лъапIэм кIуахэр къулъшырыфым и унафэщI архимандрит Евлог епсэлъащ. Ар тепсэлъыхьащ Кавказым и къулъшырыф гъащIэм и тхыдэм, Афон Бгы ЛъапIэм пыщIэныгъэ хуиIэм.
ЩIыналъэ ЛъапIэм кIуахэр Уранополис кIуащ, адэкIэ Солоники, щихъ, Тхьэм папщIэ бэлыхь куэд зрагъэшэча Солунский Димитрий и къарум щыщ Iыхьэхэм деж Тхьэ щелъэIуам.