Къарачай-Черкес республикада «Русь Святая, храни веру Православную!», деген ат бла православ культураны Таммалларындан олимпиаданы ахыр туру болуб етдю. Быйыл олимпиаданы заданиялары ,Кърым джарым айрымканны тарихине эмда литературада К.К.Р. псевдоним бла белгили Константин Константинович Романов бийни творчествонуна эс бурууду. Къуралгъан адетдеча олимпиаданы регионал этапы Зеленчюк стансени 3-чю номерли орта школунда баргъанды.
Берилген заданияланы Зеленчюк бла Уруп районларыны эмда Черкесск шахарны орта школларыны 5-11 классларындан 31 сохта этгенди. Бу олимпиаданы Пятигорск бла Черкесск епархияны дин билим бериу бла катехизация Белюмю бла Къарачай-Черкесияны билим бла илму Министерствосу къурагъандыла. Ишексиз да бу олимпиаданы бардырыргъа Зеленчюк бла Уруп районланы билим берген белюмлери эмда орта билим берген школланы администрациялары бла Черкесск шахарда «11-чи номерли билим берген Аралыгъы» МБОУ-ну администрациялары да юлюш къошхандыла. Олимпиаданы къурагъанла да анга къошулгъанла да, 2017-18 окъуу джылда литература бла тарихге уллу эс белдюрюрге джораланыб берилген заданияланы магъаналыкъларын чертдиле. Ай медет, муниципал этаплада хорлагъанланы барысы да регионал тургъа къошулалмадыла, нек дегенде ала кеслери олимпиаданы сайтында регистрация эталмагъандыла ол себебден регионал турну аллы бла берилген дерслени аджаралмагъандыла.
Аны сайтында публикация амалсыз керекли эди финалгъа къошулурча.