Быйыл январь айны 28-де Пятигорске бла Черкесскени архиепископу Феофилактны разылыгъы бла, Нарсананы Никольский клисасында Раббийни Анасыны «Благодатная» деген иконасына къуанч халда тюбедиле. Пресвятой Богородицаны иконасын Сыйлы Къая Афонда, Бештау монастыргъа деб иш этиб джазгъандыла. Ол дин сыйгъа Нарсана клиса округну приходларыны джуаблы динчиси протоирей Иоанн Знаменский бла клисаны джамагъаты тюбедиле. Кесини сезюнде джуаблы православ динчи , бу дин сыйны хакъ джюрек бла сюерге керекди деб чакъырды эмда Нарсаначыла бу дин сыйгъва табын этерге мадарлары болгъаны ючюн Владыка Феофилактха джюрек разылыгъын билдирди. Дин къуллукъдан сора Пресвятой Богродицаны иконасыны аллында православ адетдеча зхикир окъуб андан сора барына да аллай гитче иконачыкъла бердиле. Нарсанада бу дин сыйгъа табын этерге эки ыйыкъны ичинде боллукъду.
***
Раббийни ВАнасыны «Благодатная» деген керти иконасы Ксенофонт монастырны эм уллу клисаларыны бирини алтарында турады. Ол да ары Сыйлы Къаягъа аллай атны джюрютген константинопольчу монастырдан келгенди. Аны 12-чи емюрде патчах бийче Комнина Ирина къурагъан эди.